Carole King

Carole King
King i 2002
Fødd	9. februar 1942 (83 år)
Fødestad	New York City i USA
Fødenamn	Carol Joan Klein[1]
Alias	Carole King
Opphav	USA
Aktiv	Sidan 1958
Sjanger	pop softrock soul Brill Building
Instrument	Vokal piano gitar
Tilknytte artistar	James Taylor the City Danny Kortchmar Neil Sedaka Gerry Goffin Louise Goffin Soraya
Plateselskap	Rockingale Ode/Epic/CBS Koch Records Priority/EMI RCA
Verka som	Songar låtskrivar musikar
Gift med	Gerry Goffin
Born	4, inkludert Louise Goffin og Molly Larkey
Prisar	Grammy Lifetime Achievement Award, Grammy Trustees Award, MusiCares Person of the Year, Kennedy Center Honors, Gershwin Prize, Johnny Mercer Award, stjerne på Hollywood Walk of Fame, Rock and Roll Hall of Fame, Rock and Roll Hall of Fame

Carole King Klein^[2] (fødd 9. februar 1942 som Carol Joan Klein) er ein USA-amerikansk songar, låtskrivar og musikar som har vore aktiv sidan 1958, først som fast låtskrivar i Brill Building og seinare som soloartist. Ho vert rekna som ein av dei viktigaste og mest innverknadsrike musikarane gjennom tidene, og er den mest suksessrike kvinnelege låtskrivaren på siste halvdel av 1900-talet i USA, og har skrive eller vore medlåtskrivar på 118 pophittar på Billboard Hot 100.^[3] King skreiv òg 61 hittar som gjekk inn på singellista i Storbritannia,^[4] som gjorde ho til den mest suksessrike, kvinnelege låtskrivaren på den brtiiske singellista mellom 1962 og 2005.^[5]

Den store suksessen til King byrja i 1960-åra då ho og den første ektemannen hennar, Gerry Goffin, skreiv meir enn to dusin hittar for ei rekkje artistar. Mange av desse vart standardar. Ho har halde fram å skrive for andre artistar sidan den gongen. King sin suksess som artist på eiga hand kom ikkje før i 1970-åra, då ho song sine eigne songar, og akkompagnerte seg sjølv på piano på ei rekkje album og konsertar. Etter å ha opplevd skuffande salstal med debutplata Writer, fekk King det store gjennombrotet sitt med Tapestry, som låg 15 veker på toppen av den amerikanske albumlista i 1971 og låg inne på lista i ytterlegare seks år.^[6]

King har gjeve ut 25 soloalbum og det mest suksessrike er Tapestry, som heldt rekorden for flest veker på toppen av lista av ein kvinnelege artist for meir en 20 år. Platesalet hennar er estimert til meir enn 75 millionar plater verda over.^[7][8] Ho har vunne fire Grammyprisar og vart innlemma i Songwriters Hall of Fame. Ho er innlemma to gonger i Rock and Roll Hall of Fame, som artist og låtskrivar.^[9] I 2013 mottok ho Gerswhin-prisen for popsong av Library of Congress, som den første kvinna.^[10] Ho er òg tildelt Kennedy Center Honors i 2015.

1. ↑ «Legendary singer/låtskrivar Carole King looks back». TODAY.com. 4. oktober 2012. Arkivert frå originalen 3. desember 2013. Henta 2. desember 2013. 
2. ↑ Gates, Henry Louis jr. (4. november 2014). «Our People Our Traditions». Finding Your Roots. PBS. Arkivert frå originalen 22. juli 2019. Henta 22. juli 2019. ««Actually I am still 'Klein', I've incorporated that my legal name now is 'Carole King Klein'. You know, I went through four marriages and changed my name every single time, and then I finally came back to 'no, I'm Klein!'.»» 
3. ↑ «Official Website of Carole King – Songwriter, Performer, Author». Carole King. 24. januar 2014. Arkivert frå originalen 3. august 2016. Henta 12. mai 2022. 
4. ↑ «The People Who Created The Soundtrack To Your Life eBook: Stuart Devoy: Kindle Store». Amazon.com. Arkivert frå originalen 29. mars 2021. Henta 12. mai 2022. 
5. ↑ David Roberts, Guinness Book of British Hit Singles, 2005. ISBN 1-904994-10-5.
6. ↑ «'Tapestry' Jumps from number 15 to number 7 on Billboard's Top Pop Catalog Chart». Carole King. 12. oktober 2001. Arkivert frå originalen 8. september 2015. Henta 12. mai 2022. 
7. ↑ «Carole King and James Taylor Troubadour Reunion Comes to an End» Arkivert 4. september 2017 ved Wayback Machine. 20. juli 2010, Anit Music.com
8. ↑ King Bio at Allmusic.com
9. ↑ «Jay-Z, Carole King, Tina Turner among Rock & Roll Hall of Fame 2021 inductees». TODAY.com (på engelsk). Arkivert frå originalen 12. mai 2021. Henta 12. mai 2021. 
10. ↑ «Librarian of Congress Names Carole King Next Recipient of the Library of Congress Gershwin Prize for Popular Song» Arkivert 16. mars 2016 ved Wayback Machine. 12. desember 2012, www.loc.gov