Djup vene

Djupe vener (vena profunda) er vener som sit djupt i kroppen, til skilnad frå overflatiske vener, som ligg nærare kroppsyta.

Djupe vener ligg mest alltid attåt pulsårer med same namn, slik som med femoralvenen og femoralarterien. Storparten av det venøse blodet sirkulerer i djupe vener. Okklusjon (tilstopping) i djupe vener kan vere livstrugande, og skuldast vanlegvis trombose. Slik trombotisk okklusjon i djupe vener blir kalla djup venetrombose.

Kirurgiske inngrep i djupe vener er ofte krevjande på grunn av lokaliteten.