Dolomittane

Dolomittane
fjell
Marmolada
Land	Italia
Fjelltype	Dolomitt
Fjellkjede	Dei sørlege kalksteinsalpane
Høgd	Marmolada - 3 343 moh.
Bergartar frå	Trias
Koordinatar	46°23′N 11°51′E / 46.383°N 11.850°E / 46.383; 11.850
Dolomittane 46°36′47″N 12°09′47″E / 46.613056°N 12.163056°E / 46.613056; 12.163056
Wikimedia Commons: Dolomites

Dolomittane (italiensk Dolomiti; tysk Dolomiten; friulisk Dolomitis) er ei fjellkjede i Italia og Alpane. Størstedelen ligg i Belluno, medan resten ligg i Bolzano og Trento og strekkjer seg frå elva Adige i vest til Piavedalen (Pieve di Cadore) i aust. I nord grensar Dolomittane til Pustertal (Val Pusteria) og i sør til Suganadalen (Val Sugana).

Området vert ofte delt inn i Dei vestlege Dolomittane og Dei austlege Dolomittane og grensa mellom dei to går langs linja Val Badia - Campolongopasset - Cordevoledalen (Agordino). Fjellkjeda har meir enn førti isbrear.

Området er ein stor turistdestinasjon som er kjend for skisport, fjellklatring og i nokre tilfelle basehopping. Dei største turistsentera er Rocca Pietore ved dronninga av Dolomittane, Marmolada, i Veneto, Alleghe, Falcade, Auronzo, Cortina d'Ampezzo, Arabba, Ortisei og San Martino di Castrozza.

Under den første verdskrigen gjekk linja mellom dei italienske og austerriksk-ungarske styrkane gjennom Dolomittane. Det finst krigsmuseum i fri luft ved 5 Torri og Lagazuoi. Mange vitjar Dolomittane for å gå Via ferrata. Dette er verna stiar som vart danna under den første verdskrigen. Fleire stiar kalla «Alte vie» går i Dolomittane. Desse lang stiane, med nummer 1 til 8, krev minst ei veke for å gjennomførast og mange hytter, «Rifugi», ligg langs hytte. Den første og kanskje mest kjende er Alta Via 1.

Namnet «Dolomittane» kjem frå den kjende franske mineralogen Déodat Gratet de Dolomieu som var den første som skildra bergarten, dolomitt, ein type karbonatbergart som har skapt dei karakteristiske formene og fargane til desse fjella.