Donny Osmond

Donny Osmond
Osmond i 2010
Fødd	9. desember 1957 (67 år)
Fødestad	Ogden
Fødenamn	Donald Clark Osmond
Opphav	USA
Aktiv	1963 til i dag
Sjanger	Vokal, poprock, R&B, tyggegummi, blue-eyed soul, komedie, musikal
Instrument	saksofon, vokal, piano
Tilknytte artistar	Marie Osmond, The Osmonds
Plateselskap	Universal, Decca Records
Verka som	Songar, låtskrivar, musikar, skodespelar, programleiar, dansar, radiomann, forfattar
Mor	Olive Osmond
Far	George Osmond

Donald Clark «Donny» Osmond (fødd 9. desember 1957) er ein amerikansk songar, skodespelar, dansar, radiopersonlegdom og tidlegare tenåringsidol. Osmond har òg vore programleiar, plateprodusent og forfattar. I midten av 1960-åra vart han og fire av dei eldre brørne hans kjende som the Osmonds. Osmond gjekk solo tidleg i 1970-åra og fekk hittar som «Go Away Little Girl» og «Puppy Love».

Over ein periode på 30 år var han og den yngre systera Marie kjende som Donny & Marie, mellom anna på grunn av varietéserien som gjekk 1976–79 på ABC. Duoen hadde òg eit prateshow i 1998-2000 og har halde konsertar i Las Vegas sidan 2008.

Frå juli 1992 spelte Osmond Joseph i musikalen Joseph and the Amazing Technicolor Dreamcoat. I 2009 vann Osmond den niande sesongen av Dancing with the Stars.