Back Eat a Peach German Eat a Peach English Eat a Peach Spanish Eat a Peach Finnish Eat a Peach French Eat a Peach Italian イート・ア・ピーチ Japanese Eat a Peach Korean Eat a peach (Allman Brothers) Dutch Eat a Peach Swedish
| Eat a Peach Studioalbum av The Allman Brothers Band | ||
| Språk | engelsk | |
| Utgjeve | 12. februar 1972 | |
| Innspelt | Konsertopptak: 12. til 13. mars, 27. juni 1971 Fillmore East (New York City) Studioopptak: September–desember 1971 Criteria Studios (Miami) | |
| Sjanger | ||
| Lengd | 69:24 | |
| Selskap | Capricorn | |
| Produsent | Tom Dowd | |
| The Allman Brothers Band-kronologi | ||
|---|---|---|
| At Fillmore East (1971) |
Eat a Peach | Beginnings (1973)
|
| Singlar frå Eat a Peach | ||
|
||
| Meldingar | |
|---|---|
| Karakter | |
| Kjelde | Karakter |
| Allmusic |  [1] |
| Robert Christgau | (B)[2] |
Eat a Peach er det tredje studioalbumet til det amerikanske rockebandet The Allman Brothers Band. Produsenten var Tom Dowd og albumet kom ut 12. februar 1972 i USA på Capricorn Records. Etter det store gjennombrotet deira med konsertalbumet At Fillmore East (1971), byrja The Allman Brothers Band å arbeide med det tredje albumet sitt. Mange i bandet sleit med heroinmisbruk og la seg inn til rehabilitering for å få bukt med problemet. Kort tid etter han forlet rehabiliteringa, omkom gruppeleiaren Duane Allman i ei motorsykkelulukke i heimbyen Macon i Georgia, så dette vart det siste albumet med gitaristen.
Eat a Peach var ei blanding av studioinnspelingar - både med og utan Duane Allman — og konsertopptak frå dei kjende konsertane deira ved Fillmore East i 1971. Albumet inneheld den halvtimes lange «Mountain Jam», som var lang nok til å ta opp to fulle sider på den originale doble vinylutgåva. Andre høgdepunkt er vokalisten Gregg Allman si framføring på broren sin favorittsong, «Melissa» i tillegg til Dickey Betts sin «Blue Sky», som vart mykje spelt på classic rock-radio.
Plateomslaget vart laga av W. David Powell og J.F. Holmes på Wonder Graphics, og syner bandnamnet på ein ferskenlastebil, i tillegg til eit stort veggmåleri av soppar og alvar.
Albumet kom ut som eit dobbeltalbum i februar 1972 og vart raskt ein suksess. Albumet klatra til fjerdeplassen på Billboard Top 200 Pop Albums-lista. Albumet selde seinare til platina og vart eit av dei bestseljande albuma i diskografien deira.
- ↑ Stephen Thomas Erlewine. «Review: Eat a Peach». AllMusic. Henta 9. september 2018.
- ↑ Christgau, Robert. «Consumer Guide: The Allman Brothers Band». Henta 9. september 2018.