Eitt minutt stille-kampanjen under sommar-OL 2012

Eitt minutt stille-kampanjen under sommar-OL 2012 var ein internasjonal kampanje som vart skipa for å overtale Den internasjonale olympiske komité (IOK) til å halde eitt minutt stille under opninga av sommar-OL 2012 i London for å minne dei israelske idrettsutøvarane som vart drepne i München-massakren under sommar-OL 1972. Kampanjen fekk støtte av mellom anna den amerikanske Kongressen, den amerikanske presidenten Barack Obama, den amerikanske utanriksministeren Hillary Clinton, den amerikanske politikaren Mitt Romney, det italienske parlamentet, det australske parlamentet, det kanadiske parlamentet, det tyske parlamentet, den tyske utanriksministeren Guido Westerwelle og den amerikanske idrettskommentatoren Bob Costas.

IOK avslo oppmodinga om eitt minutt stille under opningsseremonien, men tenestemenn frå IOK heidra ofra på ein seremoni arrangert av den israelske ambassaden og det jødiske samfunnet i London den 6. august 2012, der både IOK-president Jacques Rogge, som var til stades, og IOK sjølv vart utsett for eitt «åtak» frå den israelske idretts- og kulturministeren Limor Livnat og to av enkjene, Ankie Spitzer og Ilana Romana.^[1] Ein ny seremoni vart planlagt i Tyskland på årsdagen for åtaket, 5. september på den militære flyplassen i Fürstenfeldbruck.^[2][3] Rogge leia òg ein spontan seremoni med eitt minutt stille den 23. juli under ein seremoni som fremja våpenkvile i OL. Dette markerte fyrste gongen at IOK heidra dei israelske ofra i ein seremoni inne i ein olympisk landsby.^[4][5][6]

1. ↑ Haaretz: Munich families attack International Olympic Committee president at memorial event
2. ↑ The Washington Post: Rogge again rejects calls for minute's silence for victims of 1972 Munich massacre
3. ↑ The Times of Israel: Still refusing moment of silence, Olympic head says memorial will be held in Germany
4. ↑ The Times of Israel: IOC president leads moment of silence at Olympic athletes' village
5. ↑ The Washington Post: IOC President Rogge honors slain Israelis with a minute of silence in athletes village
6. ↑ The Times of Israel: Munich widows ask crowd to hold own moment of silence at Olympic opening