| Firda Tidend | |||
| Type | Dagsavis (to dagar i veka) | ||
|---|---|---|---|
| Format | Tabloid | ||
| Oppretta | 1924 | ||
| Første trykk | 1. juli 1924 | ||
| Språk | norsk | ||
| Målform | Nynorsk | ||
| Lokalavis for | Gloppen og Indre Jølster | ||
| Eigarskap | Senterpartiet Fleire mindreeigarar | ||
| Opplag | 2 977 (2014) | ||
| Redaksjonskontor | Nordstrandsvegen PB 38 | ||
| Postnummer | 6823 | ||
| Stad | Sandane | ||
| Ansvarleg redaktør | Aadne Gloppestad (2006) | ||
| Politisk posisjon | Knytt til Senterpartiet | ||
| Nettstad | firdatidend.no | ||
Firda Tidend er ei lokalavis for Gloppen og Jølster, som vert gjeven ut to dagar i veka på Sandane i Vestland fylke. Avisa vart oppretta som kamporgan for bonderørsla i 1924, sterkt knytt til Bondepartiet som vart stifta fire år før; i 1920. I den første tida vart avisa driven av eit aksjeselskap, men grunna økonomiske vanskar vart eigarskapen overført til Anders Øvreseth, som då òg tok redaktørstolen i heile 36 år (1930-1966).
I 1967 vart avisa omorganisert til å skulle fungere som lokalavis for Gloppen og Jølster. Selskapet L/L Senterpartiavisa vart oppretta som eigarorganisasjon, og Senterpartiet heldt fram som største aksjonær med til saman 45 % av aksjane, medan resten kom i eigarskap av fleire einskildmedlemmer i partiet og handelslaget på Breim.
I 1981 annekterte L/L Senterpartibladet Solglimt Trykkeri.
Firda Tidend har til saman 8 tilsette.[1]
- ↑ «Om Firda Tidend», Firda Tidend, henta 10. februar 2022