Fleetwood Mac

Fleetwood Mac
Venstre til høgre: John McVie, Stevie Nicks, Lindsey Buckingham og Mick Fleetwood i Saint Paul i Minnesota den 3. mars 2009
Opphav	London i Storbritannia
Aktiv	1967–1995, 1997 til i dag
Sjanger	Rock, blues, bluesrock, pop rock, softrock
Tilknytte artistar	John Mayall's Bluesbreakers, Savoy Brown, Chicken Shack, Buckingham Nicks, Bekka & Billy, Eddie Boyd, Duster Bennett
Plateselskap	Blue Horizon, Reprise, Warner Bros., LMJS Productions
Medlemmer	Mick Fleetwood John McVie Christine McVie Lindsey Buckingham Stevie Nicks
Tidlegare medlemmer	Peter Green Jeremy Spencer Bob Brunning Danny Kirwan Bob Welch Bob Weston Dave Walker Billy Burnette Rick Vito Bekka Bramlett Dave Mason
Prisar	Grammy Award for Album of the Year, American Music Award for Favorite Pop/Rock Band/Duo/Group, American Music Award for Favorite Pop/Rock Album, Juno Award for International Album of the Year, Grammy Hall of Fame Award, American Music Award for Favorite Pop/Rock Band/Duo/Group, stjerne på Hollywood Walk of Fame, Rock and Roll Hall of Fame

Fleetwood Mac er eit britisk-amerikansk rockeband som vart danna i juli 1967 i London. Bandet har selt meir enn 100 millionar plater verda over og er eit av dei bestseljande banda gjennom tidene. I 1998 vart utvalde medlemmar av Fleetwood Mac innlemma i Rock and Roll Hall of Fame og fekk ein Brit Award for Outstanding Contribution to Music.^[1]

Dei to mest suksessrike periodane for bandet var seint i 1960-åra under den britisk blues-bølgja, då dei var leia av gitaristen Peter Green og nådde toppen av den britiske singellista med «Albatross»;^[2] og frå 1975 til 1987, då dei var eit meir poporientert band med Christine McVie, Lindsey Buckingham og Stevie Nicks. Det andre albumet til Fleetwood Mac etter Buckingham og Nicks kom med i bandet, Rumours frå 1977, gav fire hitsinglar i USA (inkludert Nicks sin «Dreams»), og låg på toppen av den amerikanske albumlista i heile 31 veker, i tillegg til å nå toppen av salslistene i mange andre land. Albumet har i dag seld over 45 millionar eksemplar og er det sjette mestseljande albumet gjennom tidene.

Bandet hadde berre moderat suksess mellom 1971 og 1974, då besetninga bestod av Bob Welch, og i 1990-åra då Nicks og Buckingham først slutta i bandet og sidan kom tilbake.

Bandet har hatt mange endringar i besetninga, og berre trommeslagaren i bandet, Mick Fleetwood, har vore med heile vegen. Sjølv om grunnleggjaren av bandet, Green, gav bandet namn etter etternamna til dei to tidlegare bandkollegaene sine (Fleetwood og McVie) frå John Mayall's Bluesbreakers, spelte ikkje bassisten John McVie på den første singelen eller dei første konsertane deira, sidan han opphavleg valde å bli verande med Mayall. Klaverspelaren Christine McVie, som kom med i bandet i 1970 då ho var gift med John McVie, har vore med på alle albuma, utanom debutalbumet, anten som bandmedlem eller studiomusikar. Ho slutta i bandet i 1998, men kom attende i 2014.^[3]

1. ↑ Mark Rinaldi, Ray (5 December 2014). «Fleetwood Mac tromeslagar steps out front with photo show». The Denver Post. Henta 19. april 2015. 
2. ↑ «Fleetwood Mac Biography». Rolling Stone. 
3. ↑ «Christine McVie Rejoins Fleetwood Mac: Official». Billboard. 13 January 2014.