Focus

Focus
Focus i 2014. Venstre til høgre: Menno Gootjes, Thijs van Leer, Pierre van der Linden, Bobby Jacobs
Alias	Trio Thijs van Leer
Opphav	Amsterdam i Nederland
Aktiv	1969–1978 1985 1990 1998 sidan 2002
Sjanger	Instrumental rock progressiv rock jazzfusion hardrock
Tilknytte artistar	Trio Thijs van Leer Brainbox Conxi Van Leer
Plateselskap	Imperial Sire Atco IRS EMI Vertigo Musea Polydor Red Bullet Eastworld Cherry Red In and Out of Focus Records
Medlemmer	Thijs van Leer Pierre van der Linden Menno Gootjes Udo Pannekeet
Tidlegare medlemmer	See Bandmedlemmar

Focus er eit nederlandsk, progressivt rockeband skipa i Amsterdam i 1969 av klaverspelaren, vokalisten og fløytespelaren Thijs van Leer. Bandet har hatt fleire inkarnasjonar gjennom historia si. Sidan desember 2016 har bandet bestått av van Leer, trommeslagaren Pierre van der Linden, gitaristen Menno Gootjes og bassisten Udo Pannekeet. Tidlegare medlemmar har vore gitaristen Jan Akkerman, trommeslagaren Hans Cleuver og bassistane Martijn Dresden, Bert Ruiter og Bobby Jacobs. Dei har seld ein million plater i USA.^[1]

Etter Akkerman kom inn i rocketrioen til van Leer seint i 1969, fekk bandet namnet Focus og spelte i den nederlandske produksjonen av rockemusikalen Hair. Debutalbumet deira Focus Plays Focus (1970) selde dårleg, men oppfølgjaren Moving Waves (1971), og singelen «Hocus Pocus», vart ein internasjonal hit. Suksessen deira fortsette med Focus 3 (1972) og Hamburger Concerto (1974), førstnemnde med den andre hitsingelen deira, «Sylvia». Etter ytterlegare to album spelte inn med forskjellige musikarar, vart Focus oppløyst i 1978. Dei kom saman att i 1985, 1990, 1998 og 2002.

I 2002 starta van Leer opp att Focus med ei ny besetning. Albuma Focus 8 (2002), Focus 9 / New Skin (2006) og Focus X (2012) fekk god mottaking og Focus har halde fram å spele verda over. Det nyaste albumet deira er Focus 11 (2018). Dei fekk fornya interesse etter at Nike brukte «Hocus Pocus» i ein reklame for verdsmeisterskapen i 2010. Focus har vore ei av dei mest suksessrike og viktige rockebanda frå Nederland.

1. ↑ «RIAA Search – Focus». Recording Industry Association of America. Henta 30. november 2019.