Back بطل شعبي Arabic Narodni heroj BS Folk hero English Popola heroo Esperanto قهرمان عامی Persian Héros populaire French Wira rakyat Malay Volksheld Dutch Herói folclórico Portuguese Folk hero SIMPLE

Folkehelt

Tordenskjold, ein dansk-norsk folkehelt avbilda med ein statue i Stavern.
Jeanne d'Arc til hest i ein manuskripillustrasjon frå 1505. Martyren og helgenene Jeanne d'Arc er ei nasjonal heltinne i Frankrike.
Under den store depresjonen fekk bankranarane Bonnie og Clyde status som folkeheltar.

Ein folkehelt er ein type helt som blir beundra av folk, vanlegvis på grunn av store bedriftar.[1] Ein slik helt kan byggje på ein verkeleg, oppdikta eller mytologisk person,[2] og blir rekna som viktig av ei folkegruppe eller mindre samfunnsgruppe. Ein folkehelt kan også vera ein nasjonalhelt.

Den einaste eigenskapen som skil ein populær heilt frå andre karakterar, er viktigheita av namnet hans, personlegdommen hans og handlingar i den kollektive fantasien. Dette nærværet i populært medvit blir bekrefta av referansane til denne karakteren i folkesongar, soger og andre former for folkeminne eller poulærkulturelle former som litteratur og media.

Sjølv om nokre folkeheltar har vore verkelege historiske skikkelsar, er dei vanlegvis ikkje det. Fordi liva til desse folkeheltane vanlegvis ikkje er baserte på historiske oppteikningar, blir eigenskapane og gjerningane deira ofte overdrivne til mytologiske proporsjonar.

Folkehelten byrjar ofte livet sitt som ein normal person, men blir forvandla til ein framståande person av viktige hendingar, ofte som svar på sosial urettferd, konflikt eller nokre gonger naturkatastrofar. Mange er populære talsmenn mot undertrykking eller korrupsjon i den eksisterande maktstrukturen; fleire medlemmer av denne heltekategorien har vore fredlause. Same person kan også vera både folkehelt og folkeskurk (engelsk folk devil), anten blant ulike grupper eller til ulike tider.[3][4]

  1. ↑ «folkehelt — Den Danske Ordbog», ordnet.dk, henta 25. august 2021 
  2. ↑ McDonnell, Julia (15. juli 2017), The Legend of Paul Bunyan (på engelsk), Gareth Stevens Publishing LLLP, ISBN 978-1-5382-0376-7, henta 25. august 2021 
  3. ↑ Flinders, Matthew; Wood, Matthew (3. august 2015). «From Folk Devils to Folk Heroes: Rethinking the Theory of Moral Panics». Deviant Behavior 36 (8): 640–656. ISSN 0163-9625. doi:10.1080/01639625.2014.951579. 
  4. ↑ Pabla, Manjit (2020-05). «The Legacies of Bindy Johal: The Contemporary Folk Devil or Sympathetic Hero». Religions (på engelsk) 11 (5): 228. doi:10.3390/rel11050228. 
From Wikipedia, the free encyclopedia · View on Wikipedia

Developed by Nelliwinne