Back God Only Knows Breton God Only Knows Catalan God Only Knows Czech God Only Knows German God Only Knows English God Only Knows Spanish فقط خدا میدونه Persian God Only Knows Finnish God Only Knows French God Only Knows Hungarian
| «God Only Knows» Singel av The Beach Boys frå albumet Pet Sounds | ||
| A-side | ||
|---|---|---|
| Språk | engelsk | |
| Utgjeve | 11. juli 1966 | |
| Innspelt | Western Studios 10. mars 1966 Columbia Studios 10. mars 1966 11. april 1966 | |
| Sjanger | Barokk pop | |
| Lengd | 2:49 | |
| Selskap | Capitol (#5706) | |
| Komponist | Brian Wilson | |
| Tekstforfattar | Tony Asher | |
| Låtskrivar(ar) | Brian Wilson, Tony Asher | |
| Produsent | Brian Wilson | |
| The Beach Boys-kronologi | ||
| «Sloop John B» (1966 |
«God Only Knows» | «Good Vibrations» (1966)
|
«God Only Knows» er ein song av det amerikanske popbandet The Beach Boys. Songen er det åttande sporet på albumet deira Pet Sounds frå 1966 og ein av dei mest kjende songane deira. «God Only Knows» vart skriven og produsert av Brian Wilson, med tekst av Tony Asher og solovokal av Carl Wilson.
Songen vart gjeven ut som B-sida til «Wouldn't It Be Nice» i USA. I Europa var dei to sidene snudd om, og «God Only Knows» fungerte som A-side. Her nådde han mellom anna andreplass i Storbritannia og sjetteplass i Noreg.
Songen var banebrytande på mange måtar. Han var den første kommersielle popsongen med ordet «God» eller «Gud» i tittelen. Songen var mykje meir teknisk sofistikert enn noko anna både Beach Boys og andre popgrupper hadde gjort til då, særleg den kompliserte melodiske strukturen og vokalharmoniane. Som produsent nytta Brian Wilson òg mange uvanlege instrument for sjangeren, som cembalo og valthorn som ein kan høyre i introduksjonen.
Magasinet Mojo rangerte songen på 13. plass på lista deira over dei største songane gjennom tidene. Pitchfork Media utropte songen til den beste songen frå 1960-åra. Songen er på 25. plass på lista til musikkmagasinet Rolling Stone over dei 500 største songane gjennom tidene.[1]
- ↑ «The RS 500 Greatest Songs of All Time». RollingStone.com. Henta 31. august 2009.[daud lenkje]