Graji-Alpane

Dei graiiske Alpane
Fjellkjede
Mont Blanc-massivet sett frå nordaust
Land	Frankrike,  Italia  Sveits
Regionar	Savoie, Piemonte, Aostadalen, Valais
Del av	Alpane
Grensar til	Chablais-Alpane, Wallis-Alpane, Dei cottiske Alpane, Dauphiné-Alpane
Høgaste punkt	Mont Blanc
•  høgd	4 810,45 moh.
- koordinatar	45°50′1″N 6°51′54″E / 45.83361°N 6.86500°E / 45.83361; 6.86500
Dei graiiske Alpane 45°30′00″N 7°10′00″E / 45.5°N 7.16666667°E / 45.5; 7.16666667
Wikimedia Commons: Graian Alps

Dei graiiske Alpane (italiensk Alpi Graie, fransk Alpes Grées) er ei fjellkjede i den vestlege delen av Alpane. Ho ligg i Frankrike (Savoie), Italia (Piemonte og Aostadalen), og Sveits (vest i Valais). Dalane Col Ferret og Dora Baltea ligg mellom fjellkjeda og Wallis-Alpane, medan Dei cottiske Alpane ligg på andre sida av Col du Mont Cenis, og Dauphiné-Alpane på andre sida av Arcdalen. Chablais-Alpane ligg i nordvest.

Dei graiiske Alpane kan delast inn i fire grupper:

• Mont Blanc-gruppa (nord for Det litle St. Bernard-passet)
• Den sentrale gruppa (vasskiljet mellom Det litle St. Bernard-passet og Col du Mont Cenis)
• Den vestlege eller franske gruppa,
• Den austlege eller italienske gruppa.

Den vestlege gruppa inneheld Vanoise nasjonalpark; den austlege gruppa inneheld nasjonalparken Gran Paradiso.

På den franske sida av Dei graiiske Alpane renn vatnet ut i elvane Isère (Tarentaisedalen) og sideelva hennar Arc (Mauriennedalen), og av Arve. På den italienske sida renn vatnet ut i elvane Dora Baltea, Orco og Stura di Lanzo, alle sideelvar til Po.