| Heartbeat Singel av Buddy Holly | ||
| B-side |
«Well ... All Right» | |
|---|---|---|
| Utgjeve | 5. november 1958 | |
| Innspelt | August 1958 | |
| Sjanger | Rock and roll, poprock | |
| Lengd | 2:11 | |
| Selskap | Coral Records | |
| Låtskrivar(ar) | Bob Montgomery, Norman Petty | |
| Produsent | Norman Petty | |
| Buddy Holly-kronologi | ||
| «Early in the Morning» (1958) |
Heartbeat | «It Doesn't Matter Anymore»" (1958)
|
«Heartbeat» er ein rockabillysong skriven av Bob Montgomery og Norman Petty og opphavleg spelt inn av Buddy Holly i 1958. B-sida til singelen var «Well... All Right».
«Heartbeat» var den siste singelen som kom ut medan Holly levde. Det vart ein mindre hit i USA og nådde 82. plassen på Billboard Hot 100. Singelen vart meir populær i Storbritannia og nådde 30. plassen på lista der i januar 1959 og igjen då han kom ut i april 1960.[1] I tida mellom dei to gongane singelen gjekk inn på den britiske singellista, nådde ein versjon av The England Sisters (katalognummer HMV POP 710) 33. plassen i Storbritannia.[2][3]
«Heartbeat» gjekk sidan inn på topp 10 i Storbritannia to gonger. Den første gongen var i 1975 for Showaddywaddy, med ein sjuandeplass i september det året, og igjen i 1992 då ein versjon Nick Berry spelte inn som kjenningsmelodi til fjernsynsserien Heartbeat (på norsk Med hjartet på rette staden) nådde andreplassen i juni det året.[1]
Tommy Allsup spelte sologitar på denne innspelinga.
- ↑ 1,0 1,1 Roberts, David (2006). British Hit Singles & Albums (19th utg.). London: Guinness World Records. s. 255. ISBN 1-904994-10-5.
- ↑ Roberts, David (2006). British Hit Singles & Albums (19th utg.). London: Guinness World Records. s. 138. ISBN 1-904994-10-5.
- ↑ «The Dale Sisters Discography – UK». 45cat. Henta 30. januar 2014.