Homologiteori

Homologiteori er ei grein av algebraisk topologi der ein realiserer ein samanheng mellom omgrep i topologi og algebra. I homologiteori nyttar ein eigenskapane til grupper og homomorfiane deira til å gjere reie for eigenskapane til ulike rom og avbildingar mellom dei.

Teorien vart innført mot slutten av 1800-talet av Henri Poincaré, men det var først rundt 1950 at teorien fekk den endelege utforminga og aksiomatiseringa gjennom eit verk av Samuel Eilenberg og Norman Steenrod.