Back Индиа Abkhazian India ACE Индие ADY Indië Afrikaans Indien ALS ህንድ Amharic India AMI India AN Indea ANG India ANN
| engelsk Republic of India hindi भारत गणराज्य, Bhārat Gaṇarājya (norsk: India, indisk) | |||||||
|---|---|---|---|---|---|---|---|
| |||||||
| Nasjonalsong | «Jana gana mana» | ||||||
| Motto | satyameva djayate (sanskrit, 'Berre sanninga vinn') | ||||||
.svg)
| |||||||
| Offisielle språk | Engelsk, hindi og fleire andre, sjå Språk i India | ||||||
| Hovudstad | New Delhi | ||||||
| Styresett |
Republikk Ram Nath Kovind Narendra Modi | ||||||
| Flatevidd – Totalt – Andel vatn |
3 287 263 km² (7.) 9,5 % | ||||||
| Folketal – Estimert (2017) – Tettleik |
1 281 935 911 (2.) 390 /km² (21.) | ||||||
| Sjølvstende Frå Storbritannia |
15. august 1947 | ||||||
| Nasjonaldag | 26. januar | ||||||
| BNP – Totalt (2015) – Per innbyggjar |
8 027 000 mill. USD (3.) 6 700 USD (129.) | ||||||
| Valuta | Indisk rupi (INR) | ||||||
| Tidssone | UTC +5.30 | ||||||
| Telefonkode | +91 | ||||||
| Toppnivådomene | .in
| ||||||
India er det største landet i Sør-Asia og utgjer hovudparten av det indiske subkontinentet. Det grensar til Pakistan i vest og nordvest, Kina, Nepal og Bhutan i nord og Burma og Bangladesh i aust og søraust. Kyststripa er rundt 7 517 km lang og grensar til Indiahavet, med Arabiahavet i vest og Bengalbukta i aust. Øystatane Sri Lanka og Maldivane ligg nær India, medan det indiske forbundsterritoriet Andamanøyane og Nikobarane, ein del av Søraust-Asia, ligg lenger ute i havet.
Den nordlegaste delen av landet omfattar Himalaya og lågare fjellkjeder. Elvar som Brahmaputra og Ganges renn sør frå Himalaya og gjennom den fruktbare og tett folkesette Gangessletta i Det nordindiske låglandet. Den sørlege delen av landet er dominert av Deccanplatået som er avgrensa av Dei austlege Ghatfjella og Dei vestlege Ghatfjella på kvar side. Klimaet varierer frå tropisk monsunklima i sør til temperert eller kaldt i nord.
India er ein sambandsstat sett saman av 29 delstatar og 7 territorium. Hovudstaden i India er New Delhi. Andre storbyar er Mumbai (tidlegare Bombay), Kolkata (Calcutta) og Chennai (Madras).
Flatevidda på over 3 000 000 km² gjer India til verdas sjuande største land, medan folketalet på rundt 1,18 milliardar (estimat frå 2010) gjer det til verdas andre folkerikaste. Landet er også kjend som verdas folkerikaste demokrati. Det har ein omfattande og raskt voksande økonomi. India har den fjerde største økonomien i verda etter kjøpekraftsparitet og den tolvte største etter BNP. I 2007 voks BNP med 9 %.