Jay Graydon

Jay Graydon
Fødd	8. oktober 1949 (75 år)
Fødestad	Burbank
Opphav	USA
Instrument	gitar
Verka som	komponist, låtskrivar, jazzmusikar, musikkprodusent, gitarist
Prisar	Grammy Award for Best R&B Song, Grammy Award for Best R&B Song

Jay Graydon (fødd 8. oktober 1949) er ein USA-amerikansk låtskrivar, plateartist, gitarist, songar, produsent, arrangør og lydteknikar. Han har vunne to Grammyprisar (R&B-kategorien) og vore nominert tolv gonger, mellom anna for årets produsent og beste lyd. Han har spelt innan mange sjangrar og stilartar, og innspelingane hans er blitt nytta på plate, film, fjernsyn og scene.

Graydon spelte tidleg i bandet til Don Ellis før han frå seint i 1960-åra til seint i 1970-åra arbeidde som studiomusikar i Los Angeles. Her arbeidde han med artistar som Gino Vannelli, Barbra Streisand, Dolly Parton, Diana Ross, The Jackson Five, Alice Cooper, Cheap Trick, Al Jarreau, Christopher Cross, Ray Charles, Cher, Joe Cocker, Marvin Gaye, Hall & Oates, Wayne Shorter, Olivia Newton-John, Albert King. Ein av dei mest kjende framføringane hans var gitarsoloen han spelte på Steely Dan-songen «Peg».

Som produsent har Jay Graydon arbeidd for Airplay, Air Supply, George Benson, Al Jarreau, DeBarge, El DeBarge, Sheena Easton, Art Garfunkel, The Manhattan Transfer, Johnny Mathis, Patti LaBelle, Lou Rawls, Dionne Warwick, Alan Sorrenti og på albumet They Don't Make Them Like They Used To av Kenny Rogers.

Han skipa sitt eige plateselskap, Sonic Thrust Records, i 2001.

Graydon har skrive over 200 songar, mellom anna for film og fjernsyn.