| Joanne Singel av Michael Nesmith frå albumet Magnetic South | ||
| Utgjeve | 1970 | |
| Innspelt | 20. februar 1970 | |
| Sjanger | Countryrock | |
| Lengd | 3:10 | |
| Selskap | RCA Victor | |
| Låtskrivar(ar) | Michael Nesmith | |
|---|---|---|
| Produsent | Felton Jarvis | |
«Joanne» er ein song skriven og framført av Michael Nesmith. Det var den einaste hitten hans som soloartist. Singelen vart gjeven ut på RCA Records i 1970, henta frå albumet Magnetic South, det første albumet gjeve ut av Nesmith og The First National Band etter at han slutta i The Monkees. I USA nådde songen 21. plassen på Billboard Top 100 den 3. oktober 1970. Songen nådde fjerdeplassen på singellista i Canada og tredjeplassen i Australia, [1] og heilt til topps på singellista i New Zealand. I USA vart dette den mest suksessrike solohitten av eit tidlegare medlem i The Monkees.
«Joanne» var den andre singelen frå Magnetic South, etter «Little Red Rider» (som ikkje gjekk inn på lista). B-sida til «Joanne» var songen «One Rose».
Songen vart ofte spelt på konsertane til Nesmith og finst på alle dei tre konsertalbuma hans: Live At The Palais, Live at the Britt Festival og Movies of the Mind.
Songen vart òg spelt inn av smørsongaren Andy Williams i 1970 for albumet The Andy Williams Show.
- ↑ Kent, David (1993). Australian Chart Book 1970–1992 (doc). Australian Chart Book, St Ives, N.S.W. ISBN 0-646-11917-6.