John Mayall

John Mayall
John Mayall i 2004
Fødd	29. november 1933
Fødestad	Macclesfield
Død	22. juli 2024 (90 år)
Dødsstad	Los Angeles, California
Fødenamn	John Brumwell Mayall
Opphav	Storbritannia
Aktiv	Sidan 1956
Sjanger	Bluesrock
Instrument	vokal gitar klaverinstrument munnspel
Tilknytte artistar	John Mayall & the Bluesbreakers Canned Heat Cream Fleetwood Mac Keef Hartley Band Mark-Almond Pure Food and Drug Act
Plateselskap	Decca London DJM ABC Eagle Snapper One-Way Records Polydor Silvertone GNP Crescendo
Verka som	Musikar låtskrivar produsent
Born	Gaz Mayall
Prisar	offiser av Den britiske imperieordenen

John Brumwell Mayall (29. november 1933–22. juli 2024) var ein engelsk bluessongar, gitarist, organist og låtskrivar, med ein musikalsk karriere som strekte seg over femti år. I 1960-åra skipa han John Mayall & the Bluesbreakers, eit band som fungerte som skule for dei leiande bluesrockmusikarane i Storbritannia på den tida. Blant medlemmane i bandet hans finn ein Eric Clapton, Peter Green, Jack Bruce, John McVie, Mick Fleetwood, Mick Taylor, Don «Sugarcane» Harris, Harvey Mandel, Larry Taylor, Aynsley Dunbar, Hughie Flint, Jon Hiseman, Dick Heckstall-Smith, Andy Fraser, Johnny Almond, Walter Trout, Coco Montoya, Kal David og Buddy Whittington. Mayall har slik sett vore meir kjend som bandleiar og mentor enn artist på eiga hand.

Musikarane i bandet hans sette ofte han sjølv i skuggen. Mayall var songar og spelte mange instrument, og var dugande til å hente ut det beste i yngre musikarar.^[1] Mayall var sjølv i 30-åra då Bluesbreakers byrja å skape eit namn for seg sjølv. Mayall skreiv det meste av materialet sitt sjølv og eksperimenterte med forskjellige bluesformat.

1. ↑ «John Mayall-biografi». Allmusic. Henta 12. juni 2018.