Jon Lord

Jon Lord
Lord in 1976
Fødd	9. juni 1941(1941-06-09)
Fødestad	Leicester i England
Død	16. juli 2012 (71 år)
Dødsstad	London i England
Fødenamn	Jonathan Douglas Lord
Opphav	Storbritannia
Aktiv	1960–2012
Sjanger	Rock hardrock heavy metal bluesrock progressiv rock klassisk musikk jazz jazz fusion
Instrument	tangentinstrument, orgel, piano, synthesizer, vokal
Tilknytte artistar	Deep Purple Whitesnake Paice Ashton Lord The Artwoods The Flower Pot Men
Plateselskap	Purple EMI Harvest
Verka som	Musikar komponist

Jonathan Douglas «Jon» Lord D.M. (9. juni 1941–16. juli 2012) var ein engelsk låtskrivar, pianist og organist som var kjend for pionerarbeidet sitt med å blande rock og klassisk eller barokkmusikk, særleg som langvarig medlem i Deep Purple, i tillegg til Whitesnake, Paice, Ashton & Lord, The Artwoods og Flower Pot Men.

I 1968 var Lord med på å starte Deep Purple, der han i røynda var leiar av bandet fram til 1970. I tillegg skreiv Lord orgelriffet på «Child in Time». Han og trommeslagar Ian Paice var dei einaste medlemmane som var i bandet frå 1968 til 1976 og frå dei vart gjenforeint att i 1985 til Lord gav seg i Deep Purple i 2002. Han vart erstatta av Don Airey. Den 15. juli 2011 vart Lord æresdoktor i musikk i heimbyen sitt University of Leicester.

Lord hadde vurdert å forlate bandet ei god stund bel på grunn av dei tidkrevjande turneane. Ein månad i 2001 vikarierte Don Airey for han etter ein kneskade. Dette fungerte bra, så Lord avgjorde seg for å slutte i 2002.

Lord var respektert for virtuositeten sin på hammondorgel. Han vart gjerne kalla «Lord of the Hammond», og i hans 34-årige karriere med Deep Purple kan ein høyre hans særeigne soloar i mange av dei klassiske låtane deira.

Lord døydde av lungeemboli i juli 2012.