Back كيني ويلر Arabic كينى ويلر ARZ Kenny Wheeler Czech Kenny Wheeler German Kenny Wheeler English Kenny Wheeler Spanish Kenny Wheeler French Kenny Wheeler Hungarian Kenny Wheeler Italian ケニー・ホイーラー Japanese
| Kenny Wheeler | |||
 Kenny Wheeler i 2007 | |||
| Fødd | 14. januar 1930 | ||
|---|---|---|---|
| Fødestad | Toronto i Canada | ||
| Død | 18. september 2014 (84 år) | ||
| Dødsstad | London i England | ||
| Fødenamn | Kenneth Vincent John Wheeler | ||
| Opphav | Canada | ||
| Aktiv | 1950–2014 | ||
| Sjanger | Jazz, avantgarde jazz, kammerjazz | ||
| Instrument | Trompet, flygelhorn | ||
| Tilknytte artistar | John Dankworth, Evan Parker, John Taylor, Azimuth, Anthony Braxton, Dave Holland, Globe Unity Orchestra, Berlin Contemporary Jazz Orchestra | ||
| Plateselskap | ECM, Fontana, FMP, Soul Note, PSI, CAM Jazz | ||
| Verka som | Musikar | ||
| Prisar | offiser av Order of Canada | ||
Kenneth Vincent John Wheeler, OC (14. januar 1930–18. september 2014) var ein kanadisk komponist, trompetist og flygelhornspelar, som budde i Storbritannia frå 1950-åra.[1][2][3][4]
Han spelte hovudsakleg jazz, men var òg aktiv innan fri improvisasjon og bidrog stundom på innspelingar med rock. Wheeler skreiv over hundre komposisjonar og var ein dugande arrangør for både små grupper og store ensemble.
Seint i 1950-åra var han medlem av kvintetten til Buddy Featherstonhaugh i lag med Bobby Wellins. Gjennom 1960-åra arbeidde han med John Dankworth, og var ein del av storbandet til Eric Burdon og The Animals som spelte ein enkelt gong på National Jazz and Blues Festival i Richmond (1965). I 1968 spelte Wheeler på debutalbumet til gitaristen Terry Smith, Fall Out.
Wheeler spelte òg inn sine eigne komposisjonar med store jazzensemble gjennom karrieren. Det første kom ut i 1969 som Windmill Tilter, spelt inn med John Dankworth band.
I midten av 1960-åra spelte Wheeler ofte innan den gryande rørsla for fri improvisasjon i London, og spelte med Parker, John Stevens, Spontaneous Music Ensemble og Globe Unity Orchestra. Sidan spelte han mykje med mindre jazzgrupper, og spelte mellom anna inn Gnu High (1975) og Deer Wan (1977).
Wheeler var trompetist i Anthony Braxton Quartet frå 1971 til 1976. Han var òg medlem av kammerjazztrioen Azimuth med John Taylor og Norma Winstone frå 1977 til 2000.
- ↑ Steve Huey. «Kenny Wheeler | Biography». AllMusic. Henta 31. desember 2020.
- ↑ «Psi musicians». Emanemdisc.com. Henta 31. desember 2020.
- ↑ «ECM 1691». Ecm-records.com. Henta 31. desember 2020.
- ↑ «Archived copy». Arkivert frå originalen 14. august 2012. Henta 8. oktober 2012.