Langdistansebuss

Langdistansebuss er ein buss bygd for å nyttast på lange distansar, som mellom ulike byar. Slike bussar er vanlegvis høgbygde, med bagasjeplass under golvet. Ekspressbussar er som oftast av denne typen.

I norsk lovverk kan bussar nytta som langdistansebuss vera av klasse 2 eller 3.^[1][2] Bussar av klasse 2 kan ha ståplassar i tillegg til sitjeplassar, og har ei øvre fartsgrense på 80 km/h. Bussar av klasse 3 har berre sitjeplassar, og ei fartsgrense på 100 km/h.^[2] Begge typane skal ha setebelte.^[3]

1. ↑ «Forskrift om tekniske krav og godkjenning av kjøretøy, deler og utstyr (kjøretøyforskriften) - Kap. 8. Spesielle kjøretøy - Lovdata», lovdata.no, henta 7. mai 2024 
2. ↑ ^{2,0 2,1} «1 Innledning», UU Reisekjeden buss og bane (på norsk bokmål), henta 7. mai 2024 
3. ↑ Krav til bussmateriellet. Busstjenester Vestregion 2020. Vedlegg 2 (PDF), 15. november 2018