Let it Be

Meldingar
Karakter
Kjelde	Karakter
AllMusic	[3]
The A.V. Club	B−[4]
Billboard	[5]
Chicago Sun-Times	[6]
Christgau's Record Guide	A−[7]
The Daily Telegraph	[8]
Encyclopedia of Popular Music	[9]
Pitchfork	9.1/10[10]
The Rolling Stone Album Guide	[11]
Sputnikmusic	4/5[12]

Let It Be er det tolvte og siste studioalbumet som The Beatles gav ut. Det kom ut 8. mai 1970 på bandet sitt eige Apple Records, men vart distribuert gjennom EMI. Albumet kom ut kort tid etter bandet annonserte at dei hadde gått frå kvarandre.

Det meste av Let It Be vart spelt inn i januar 1969, før innspelinga av albumet Abbey Road. På grunn av dette hevdar enkelte kritikarar og tilhengjarar at Abbey Road i røynda er det siste albumet til bandet, og Let It Be det nestsiste. Let It Be skulle opphavleg ut før Abbey Road ein gong midt i 1969 med tittelen Get Back, men The Beatles var ikkje nøgd med denne utgåva av albumet, som vart miksa og sett saman av Glyn Johns. Prosjektet vart derfor mellombels lagt på hylla. Albumet vart seinare overdubba og miksa på ny (eller nyprodusert) av Phil Spector i 1970 og så til slutt gjeve ut som Let It Be. Albumet inneheld òg musikken for filmen med same namn frå 1970, som er ein dokumentarfilmen om bandet som øver og spelar inn albumet.

Øvingane og innspelingane av albumet var ikkje lett på grunn av stadig krangling mellom medlemmane. Harrison forlet faktisk bandet under øvingane etter fleire kranglar med både McCartney and John Lennon, men vart overtalt til å kome tilbake nokre dagar seinare. Filmen er kjend for å vise fleire konfliktar mellom medlemmane og har ofte vorte omtalt som ein dokumentar som viser oppløysinga av bandet og ikkje skapinga av albumet.

Både kritikarar og tilhengjarar var forholdsvis negative til albumet, og sjølv om noko av kritikken gjekk på kvaliteten av sjølve songane, gjekk det meste av kritikken mot produksjonen til Spector. Meiningane om albumet i dag er delte, men dei fleste kritikarane reknar Let it Be som eit av dei svakaste Beatles-albuma. Trass i at magasinet Rolling Stone gav det negativ kritikk då det kom ut, plasserte dei i 2003 albumet på 86. plass på lista deira over dei 500 største albuma gjennom tidene.^[13] På den oppdaterte lista deira i 2012 hadde albumet vorte flytta ned til 392. plassen.^[14]

McCartney var i 2003 medverkande til Let it Be...Naked, ei alternativ utgåve av albumet der bidraga til Spector var fjerna.

1. ↑ Unterberger, Richie. «Review: Let It Be». Allmusic. Henta 24. september 2014. 
2. ↑ ^{2,0 2,1} Classic Rock Magazine, 2014. september «Let It Be saw the band return to their R&B and blues roots»
3. ↑ Unterberger, Richie. «Let It Be – The Beatles». AllMusic. Henta 17. mars 2018. 
4. ↑ Klosterman, Chuck (8. september 2009). «Chuck Klosterman Repeats The Beatles». The A.V. Club (Chicago). Arkivert frå originalen den 17. mars 2018. Henta 17. mars 2018. 
5. ↑ Partridge, Kenneth (8. mai 2015). «The Beatles' 'Let It Be' at 45: Classic Track-by-Track Album Review». Billboard. Henta 17. mars 2018. 
6. ↑ McLeese, Don (26. oktober 1987). «Beatle Discs». Chicago Sun-Times. Arkivert frå originalen 8. januar 2018. Henta 17. mars 2018. (krev abonnement (help)). 
7. ↑ Christgau, Robert (1981). «The Beatles: Let It Be». Christgau's Record Guide: Rock Albums of the '70s. Ticknor and Fields. ISBN 0-89919-026-X. Henta 17. mars 2018. 
8. ↑ McCormick, Neil (8. september 2009). «The Beatles – Let It Be (8th May, 1970), review». The Daily Telegraph. Henta 17. mars 2018. 
9. ↑ Larkin, Colin (2006). Encyclopedia of Popular Music 1. Muze. s. 489. ISBN 0195313739. 
10. ↑ Richardson, Mark (10. september 2009). «The Beatles: Let It Be». Pitchfork. Henta 17. mars 2018. 
11. ↑ Sheffield, Rob (2004). «The Beatles». I Brackett, Nathan; Hoard, Christian. The New Rolling Stone Album Guide (4th utg.). Simon & Schuster. s. 51–54. ISBN 0-7432-0169-8. 
12. ↑ «The Beatles – Let It Be (album review 2) – Sputnikmusic». sputnikmusic.com. Henta 17. mars 2018. 
13. ↑ «The 500 Greatest Albums of All Time». Rolling Stone. Henta 10. desember 2007. 
14. ↑ Rocklist Music