Back Little Lies German Little Lies English Little Lies Spanish Little Lies HE Little Lies Italian Little Lies Dutch Little Lies Portuguese Little Lies SIMPLE Little Lies Slovak
| Little Lies Singel av Fleetwood Mac frå albumet Tango in the Night | ||
| B-side |
«Ricky» | |
|---|---|---|
| Utgjeve | 29. august 1987 | |
| Innspelt | 1986 | |
| Sjanger | New wave, poprock | |
| Lengd | 3:38 | |
| Selskap | Warner Bros. | |
| Tekstforfattar | Christine McVie | |
| Låtskrivar(ar) | Christine McVie, Eddy Quintela | |
| Produsent | Lindsey Buckingham, Richard Dashut | |
| Fleetwood Mac-kronologi | ||
| «Seven Wonders» (1987) |
Little Lies | «Family Man» (1987 UK) «Everywhere» (1987 USA)
|
«Little Lies» er ein song av det engelsk-amerikanske rockebandet Fleetwood Mac. Han var den tredje singelen frå albumet Tango in the Night. Fram til 2015 har dette vore den siste singelen deira som nådde topp 10 i USA.
Songen vart skriven av klaverspelaren og vokalisten i bandet, Christine McVie og den dåverande ektemannen hennar, Eddy Quintela. Då songen kom ut nådde han fjerdeplassen på Billboard Hot 100 i i USA (førsteplassen på adult contemporary-lista) og femteplassen på UK Singles Chart. Han vert framleis mykje spelt på radio som ein klassisk hit frå slutten av 1980-åra, i lag med «Everywhere», som kom ut eit år seinare. Musikkvideoen til songen vart filma på ein gard, kring gamle bygningar og jorde.
Teksten handlarom om at songaren heller ønskjer å høyre «små løgner» enn den ulukkelege sanninga frå kjærasten sin.
Singelen vart òg gjeven ut på 12-tommarsformat med ein lengre dance-versjon, ein dub-versjon og B-sida «Ricky». Sistnemnde vart ikkje gjeven ut på albumet og vart skriven av Christine McVie og Lindsey Buckingham. Det vart òg gjeven ut ei avgrensa 12-tommars biletplate i Storbritannia, og det vart den første Fleetwood Mac-singelen som vart gjeven ut på kassettsingel-formatet.