Marikken

Marikken, svensk Madicken, er ein Astrid Lindgren-figur som eigentleg heiter Margareta. Til skilnad frå mange andre av Lindgrens figurar høyrer ho til den øvre middelklassen og bur i gata Junibakken med foreldra sine, veslesystra Lisabet og tenestejenta Alva. Det finst også ei kone, Linus-Ida, som kjem ei gong i veka og hjelper til med kles- og husvask. Som grannar har dei den fattigare familien Nilsson, der Marikken ofte brukar ein del tid, kanskje fordi ho er litt forelska i sonen i familien, den nokre år eldre Abbe.