Marvin Gaye

Marvin Gaye
Gaye i 1973
Fødd	2. april 1939(1939-04-02)
Fødestad	Washington, D.C.
Død	1. april 1984 (44 år)
Dødsstad	Los Angeles i California
Fødenamn	Marvin Pentz Gay Jr.
Alias	Marvin Gaye
Opphav	USA
Aktiv	1959–1984
Sjanger	R&B soul psykedelisk soul funk jazz pop
Instrument	Vokal piano klaverinstrument trommer perkusjon synthesizer
Stemmetype	tenor
Tilknytte artistar	Harvey Fuqua Mary Wells Kim Weston Tammi Terrell Diana Ross
Plateselskap	Tamla Tamla-Motown Columbia
Verka som	Songar låtskrivar plateprodusent
Mor	Alberta Gay
Far	Marvin Gay, Sr.
Gift med	Anna Gordy Gaye
Born	Nona Gaye, Marvin Gaye III
Prisar	Grammy Lifetime Achievement Award, stjerne på Hollywood Walk of Fame, Rock and Roll Hall of Fame

Marvin Pentz Gay jr., meir kjend som Marvin Gaye (2. april 1939–1. april 1984)^[1] var ein USA-amerikansk songar, låtskrivar og plateprodusent. Gaye var med å forme Motown-stilen i 1960-åra og var den første faste studiomusikaren for studioet, og seinare soloartist, med ei rekkje hittar. Av hittane hans finn ein «Ain't That Peculiar», «How Sweet It Is (To Be Loved By You)» og «I Heard It Through the Grapevine», og duettar med Mary Wells, Kim Weston, Diana Ross og Tammi Terrell. Seinare fekk han kallenamnet «Prinsen av Motown» og «Soulprinsen».

I 1970-åra spelte han inn konseptalbuma What's Going On og Let's Get It On og vart ein av dei første artistane på Motown (i lag med Stevie Wonder) som braut med eit produksjonsselskap.

Dei seinare innspelingane til Gaye inspirerte fleire undersjangrar innan moderne R&B, som quiet storm og neo soul.^[2] Etter ei tid i skatteeksil i Europa tidleg i 1980-åra, gav Gaye i 1982 ut den prisvinnande hitten «Sexual Healing» og albumet Midnight Love.

1. april 1984 vart Gaye skoten og drepen av far sin, Marvin Gay Sr., i huset deira i West Adams i Los Angeles.^[3][4] Etter han døydde har mange institusjonar gjeve Gaye posthume prisar, som Grammy Lifetime Achievement Award, Rhythm and Blues Music Hall of Fame, Songwriters Hall of Fame og Rock and Roll Hall of Fame.^[5]

1. ↑ Simmonds 2008, s. 190–192.
2. ↑ Weisbard, Eric; Marks, Craig (October 10, 1995). Spin Alternative Record Guide (Ratings 1–10) (1st edi. utg.). New York: Vintage Books. s. 202–205. ISBN 0-679-75574-8. OCLC 32508105. 
3. ↑ «Marvin Gaye House». Henta June 18, 2012. 
4. ↑ Communications, Emmis (January 1998). Dial Them For Murder. Los Angeles Magazine. Henta 24. februar 2018. 
5. ↑ «Marvin Gaye Timeline». The Rock and Roll Hall of Fame. January 21, 1987. Henta 24. februar 2018.