Max Bennett

Max Bennett
Bennett i San Francisco, 1976.
Fødd	24. mai 1928 (96 år)
Fødestad	Des Moines
Død	14. september 2018
Dødsstad	San Clemente
Opphav	USA
Aktiv	1949 til i dag
Sjanger	Jazz
Instrument	Bassgitar
Plateselskap	Bethlehem Records
Verka som	Bassist, studiomusikar

Max Bennett (fødd 24. mai 1928) er ein amerikansk jazzbassist og studiomusikar.

Bennett voks opp i Kansas City og Oskaloosa i Iowa, og gjekk på college i Iowa. Den første profesjonelle konserten hans var med Herbie Fields i 1949, og etter dette spelte han med Georgie Auld, Terry Gibbs og Charlie Ventura. Han tente i hæren under Koreakrigen frå 1951 til 1953, og spelte så med Stan Kenton før han flytta til Los Angeles. Der spelte han fast ved Lighthouse Cafe med sitt eige ensemble, og spelte bak vokalistar som Peggy Lee, Ella Fitzgerald, Joni Mitchell og Joan Baez gjennom 1970-åra.^[1] Han spelte òg med Charlie Mariano, Conte Candoli, Bob Cooper, Bill Holman, Stan Levey, Lou Levy, Coleman Hawkins og Jack Montrose.

Bennett spelte inn musikk med sitt eige namn frå seint i 1950-åra og arbeidde mykje som komponist og studiomusikar i tillegg til å spele jazz. Han har spelt bass på plater med The Monkees og The Partridge Family, og var ein av musikarane som Frank Zappa nytta på Hot Rats.^[1] Han spelte òg på seinare Zappa-album som Chunga's Revenge. Studioarbeidet hans omfattar òg bass på Lalo Schifrin sin filmmusikk frå 1969 for filmen Bullitt og Greatest Science Fiction Hits Volumes 1-3 med Neil Norman & His Cosmic Orchestra.

Bennett heldt fram sitt eige band, L.A. Express, med Joe Sample, Larry Carlton og John Guerin, leia av Tom Scott. Etter dette bandet, danna Bennett sitt eige band, Freeway, og i nyare tid Private Reserve.^[2]

1. ↑ ^{1,0 1,1} Max Bennett på Allmusic
2. ↑ «Max Bennett». maxbennett.com. 2011. Henta 23 juli 2012.