Mersea Island

Mersea Island
Mersea Island sett frå lufta, ligg litt til høgre for midten av bilete.
Geografi
Stad	Themsen-estuaret
Koordinatar	51°47′45″N 0°56′24″E / 51.79570°N 0.94°E / 51.79570; 0.94
Areal	18 km²
Administrasjon
Land	England
Grevskap	Essex
Største busetnad	West Mersea
Demografi
Folketal	11000
Folketettleik	611 /km²

Mersea Island (tidlegare Mersey Island) er den austlegaste busette øya i Storbritannia, og ligg like utanfor kysten av Essex i England, 14 km søraust fro Colchester. Ho ligg i estuaret til elvane Blackwater og Colne og har eit areal på kring 18 km².^[1] Namnet 'Mersea' kjem frå det gammalengelske meresig som tyder «øya i sjøen».

Øya har kring 11 000 innbyggjarar. Ho er landfast via ei vegfylling, kalla The Strood. Vegen vert vanlegvis lagt under vatn når det er springflo. Øya ligg nær Ray Island. Det er to busetnader på øya, den vesle byen West Mersea og landsbyen East Mersea, og ei lita grend ved Barrow Hill nord for West Mersea.

Hovudnæringa på Mersea er jordbruk, fiske (mellom anna østers) og industri knytt til båtliv.^[2] Øya har sine eigne aviser, Newsround og Mersea Island Courier.

1. ↑ «Largest Islands of the United Kingdom». Users.erols.com. Arkivert frå originalen 22. mai 2011. Henta 26. januar 2010. 
2. ↑ Tyler 2009, s. 3.