Mira-variabel

Mira-variable er variable stjerner kalla opp etter prototypen, stjerna Mira. Denne typen variable stjerner pulserer med lange periodar, lengre enn 100 dagar og har særs djup raudfarge. Amplituden deira er større enn éin storleiksklasse i infraraudt og 2,5 storleiksklassar i synleg lys. Dei er raude kjemper særs seint i stjerneutviklinga si og vil kaste av seg den ytre envelopen som ei planetarisk tåke og bli kvite dvergar i løpet av få millionar år.