Back Mirage (Fleetwood Mac album) English Mirage (álbum de Fleetwood Mac) Spanish Mirage (album de Fleetwood Mac) French Mirage (אלבום של פליטווד מק) HE Mirage (Fleetwood Mac) Italian ミラージュ (フリートウッド・マックのアルバム) Japanese Mirage (플리트우드 맥의 음반) Korean Mirage (Fleetwood Mac) Dutch Mirage (album Fleetwood Mac) Polish Mirage (álbum de Fleetwood Mac) Portuguese
| Mirage Studioalbum av Fleetwood Mac | ||
| Språk | engelsk | |
| Utgjeve | 18. juni 1982 | |
| Innspelt | 1981 – 1982 på Le Château i Hérouville i Frankrike, Larrabee Sound Studios (og) the Record Plant (begge i Los Angeles California) miksa i George Massenburg Labs i West Los Angeles | |
| Sjanger | Poprock Adult contemporary | |
| Lengd | 42:52 | |
| Selskap | Warner Bros. | |
| Produsent | Lindsey Buckingham, Richard Dashut, Fleetwood Mac | |
| Fleetwood Mac-kronologi | ||
|---|---|---|
| Live (1980) |
Mirage | Tango in the Night (1987) |
| Singlar frå Mirage | ||
|
||
| Meldingar | |
|---|---|
| Karakter | |
| Kjelde | Karakter |
| Allmusic |   [1] |
| Robert Christgau | B+[2] |
Mirage er det 13. studioalbumet til Fleetwood Mac, gjeve ut 18. juni 1982.
Etter ein pause på over eitt år då den verdsomfattande Tusk-turneen var over, flytta bandet for ei stund til Château d'Hérouville i Frankrike for å spele inn dette albumet. På denne tida hadde Stevie Nicks og Lindsey Buckingham begge starta solokarrierane sine, Nicks med den storsuksessen Bella Donna i 1981 og Buckingham med Law and Order.
Med Mirage tok bandet ytterlegare eit steg mot radiovennleg softrock. Det stod i sterk kontrast til den meir eksperimentelle føregangaren Tusk frå 1979. Mirage gav dei fleire hitsinglar: «Hold Me» (som nådde fjerdeplassen i USA), «Love in Store» (22. plass i USA), «Oh Diane» (niandeplass i Storbritannia) og «Can't Go Back».
Stevie Nicks-songen «Gypsy» var den andre singelen frå albumet og kom i lag med ein lengre video, som skal ha vore den dyraste musikkvideoen som var produsert til då,[treng kjelde] regissert av Russell Mulcahy. Videoen var den første «World Premiere Video» på MTV i 1982.[treng kjelde] Singel- og albumversjonen av «Gypsy» varte 4:24, men ein fem og eit halvt minutt lang versjon vart opphavleg spelt inn og denne versjonen vart nytta for videoen. Den lange versjonen av songen vart først tilgjengeleg på CD i plateboksen 25 Years – The Chain.
Dei to andre songane til Nicks på albumet var «That's Alright», som gjekk attende til tida då ho song i duett med Buckingham i 1974, medan «Straight Back» vart skriven vinteren 1981 og handla om då ho enda forholdet til den dåverande kjærasten sin, produsenten Jimmy Iovine, og vanskane ho hadde med å gå attende til Fleetwood Mac etter den store suksessen ho nettopp hadde fått som soloartist. «Straight Back» vart ein radiohit i USA vinteren 1982.
Albumet låg 18 veker inne på topp 10 på albumlista i USA og selde til dobbel platina for to millionar selde eksemplar i USA.[3]. Dette var første gongen gruppa fekk eit album så høgt på albumlista sidan Rumours i 1977. Albumet låg fem veker på toppen av lista og nådde òg ein femteplass i Storbritannia, der det selde 300 000 eksemplar. Albumet nådde andreplassen i Australia.[treng kjelde]
- ↑ Thomas, Stephen. «Allmusic review». Allmusic.com. Henta 12. august 2015.
- ↑ «Robert Christgau review». Robertchristgau.com. Henta 12. august 2015.
- ↑ «American album salstrofé – Fleetwood Mac – Mirage». Recording Industry Association of America. If necessary, click Advanced, then click Format, then select Album, then click SEARCH