Mitrokhin-arkivet

Mitrokhin-arkivet er ei samling notat sjefarkivaren i KGB, Vasilij Mitrokhin, tok medan han var i teneste hjå etterretningsorganisasjonen og det hemmelege politiet i Sovjetunionen.

Mitrokhin fekk i 1972 ansvar for å flytta KGB sitt arkiv frå Lubjanka til ei ny bygning i Jasenevo sørvest for Moskva.^[1] Arkivet omfatta 300 000 mapper. Mitrokhin kopierte opplysningar frå KGB-dokument frå mellomkrigstida og framover til han vart pensjonist i 1984.^[2]

Mitrokhin overlét arkivet til britisk etterretningsteneste og busette seg i London i 1992. Saman med historikaren Christopher Andrew gav Mitrokhin ut fleire bøker basert på materialet. I 2014 vart arkivet gjort tilgjengeleg for ålmenn bruk av Churchill Archives Centre ved University of Cambridge.^[3]

1. ↑ «The Mitrokin Archive – A Note on Sources» (på engelsk). Woodrow Wilson International Center for Scholars. Henta 12. august 2014. 
2. ↑ «I 12 år noterte han KGB-arkivet på små lappar og smuglet det ut i skoa» (på norsk). Dagbladet. 8. august 2014. Henta 12. august 2014. 
3. ↑ «Mitrokhin’s KGB archive opens to public» (på engelsk). University of Cambridge. 7. juli 2014. Henta 12. august 2014.