Back حجر البناء المنحوت Arabic Natuaschdoa BAR Naturstein German Looduskivi Estonian Luonnonkivi Finnish Pierre naturelle French אבן לבנייה HE Natuursteen Dutch Naturstein NB அளவுக் கல் Tamil
Naturstein er stein som kan sagast, spaltast eller hoggast til emne som kan brukast til bygg og anlegg. Tidlegare blei naturstein mykje brukt i form av blokker som blei murte; seinare har ein teke i bruk plater og heller. Ein deler gjerne inn naturstein i tre typar: Blokkstein, skifer og murestein.
Blokkstein er massive bergartar (som granitt, larvikitt, marmor og kleberstein) som ein sager eller splittar ut av fjellet i form av rektangulære blokker, som igjen blir saga eller splitta til mindre plater i fabrikkar eller for hand.
Skifer er bergartar som har naturleg kløyv, det vil seia at bergarten kan splittast langs til plater. Vanlege skifertypar er leirskifer, fylittskifer, glimmerskifer og kvartsittskifer.
Murestein viser til rå blokker og emne som kjem til ved sprenging i mange typer bergartar, til dømes skifer, gneis og granitt. Dei kan nyttast til tørrmuring og forblending.
