Nils Lofgren

Nils Lofgren
Nils Lofgren på Ronnie Scotts, 1997
Fødd	21. juni 1951 Chicago i Illinois i USA (73 år)
Fødestad	Chicago
Fødenamn	Nils Hilmer Lofgren
Alias	Lefty, Crazy Horse
Opphav	USA
Aktiv	1965 til i dag
Sjanger	Rock, bluesrock, klassisk
Instrument	Gitar, keyboard, trekkspel
Tilknytte artistar	Bruce Springsteen, Neil Young, Crazy Horse, Ringo Starr & His All-Starr Band, Patti Scialfa, Grin
Plateselskap	A&M, Columbia, MCA, Rykodisc, Capitol, Vision Music, Pure Records
Verka som	Musikar, låtskrivar, idrettsmann

Nils Hilmer Lofgren (fødd 21. juni 1951 i Chicago i Illinois) er ein amerikansk rockeartistar og låtskrivar. Han er kjend både som soloartist og som medlem av Bruce Springsteen sitt E Street Band, samt tidlegare medlem av Crazy Horse og Grin. Han hadde svensk far og italiensk mor.

Det første instrumentet til Lofgren var trekkspel i ein alder av fem. Lofgren vart profesjonell musikar i 1970 då han 18 år gammal vart med på innspelinga av albumet After the Gold Rush for Neil Young, der han spelar piano. Lofgren fortsette å ha nær musikalsk kontakt med Young, og deltok på albumet Tonight's the Night og var med på fleire turnear. Han var med i gruppa Grin i åra 1969-1973 som han starta med bassist Bob Gordon, og trommeslagar Bob Berberich. Seinare vart òg Tommy Lofgren med i Grin. I 1972 var han ein kort tur innom Crazy Horse før han starta solokarrieren sin i 1975.

Han byrja i E Street Band i 1984 der han først erstatta Steve Van Zandt. Ved sidan av engasjementet i E Street Band spelar han med sitt eige Nils Lofgren Band.