| Ola Raknes | |||
 | |||
| Fødd | 17. januar 1887 Bergen | ||
|---|---|---|---|
| Død | 28. januar 1975 Oslo | ||
| Nasjonalitet | Noreg | ||
| Yrke | leksikograf, antropolog, lingvist, journalist, filolog, filosof, omsetjar, redaktør, psykolog, litteraturhistorikar, skribent | ||
| Institusjonar | University College London Universitetet i Paris | ||
| Ektefelle | Aslaug Vaa | ||
| Barn | Magli Elster, Anne Raknes, Tora Raknes | ||
Ola Raknes (17. januar 1887–28. januar 1975) var ein norsk psykolog, filolog og faglitterær forfattar. Han var internasjonalt kjend som psykoanalytikar i reichiansk tradisjon, og han har vorte omtala som ein som heile livet sitt arbeidde med idéformidling gjennom mange språk og mellom ulike erkjenningsmessige referansesystem, vitskap og religion (Dannevig, 1975), og han var store delar av liv sitt ein aktiv samfunnsdebattant. Han vert òg gjeven stor vellæte for å ha medverka til å styrkja og berika det nynorske målet og den nynorske ålmenta.
Raknes var kjend som ein grundig filolog og ein omstridd terapeut. Han var internasjonalt kjent som ein av den austerrikske psykoanalytikaren og naturforskaren Wilhelm Reich sine næraste elevar og forsvararar.