One from the Heart av Tom Waits

One from the Heart er eit filmmusikkalbum av Tom Waits for Francis Ford Coppola-filmen med same namn, One from the Heart. Det vart spelt inn frå oktober 1980 til september 1981 og kom ut i 1982. Det var under innspelinga av dette albumet at Waits møtte kona si Kathleen Brennan. Ho var tilsett i studioet der albumet vart spelt inn og kom til å påverke Waits stort i den seinare musikkarrieren hans.

Crystal Gayle medverkar på store delar av albumet, anten med solovokal eller i duett med Waits. Filmmusikken vart nominert til ein Oscar for beste filmmusikk.

Filmen kom ut på DVD i 2004 med ny og betre lyd av filmmusikken, ein dokumentar om korleis filmmusikken vart laga og tidlegare demoinnspelingar og alternative utgåver som ikkje hadde vore gjevne ut før.