Back باول باترفيلد Arabic باول باترفيلد ARZ پال باترفیلد AZB Пол Бътърфийлд Bulgarian Paul Butterfield Czech Paul Butterfield German Paul Butterfield English Paul Butterfield Esperanto Paul Butterfield Spanish پال باترفیلد Persian
| Paul Butterfield | |||
 Butterfield på Woodstock Reunion 1979 | |||
| Fødd | 17. desember 1942[1] | ||
|---|---|---|---|
| Fødestad | Chicago i Illinois[1] | ||
| Død | 4. mai 1987 (44 år)[2] | ||
| Dødsstad | North Hollywood i California[2] | ||
| Fødenamn | Paul Vaughn Butterfield[1] | ||
| Opphav | USA | ||
| Aktiv | 1963–1987 | ||
| Sjanger | |||
| Instrument |
| ||
| Tilknytte artistar |
| ||
| Plateselskap | |||
| Verka som | Musikar | ||
Paul Vaughn Butterfield (17. desember 1942–4. mai 1987) var ein USA-amerikansk bluesmunnspelspelar og songar. Etter å ha spelt klassisk fløyte i ungdomen, utvikla han ei interesse for bluesmunnspel. Han utforska bluesmiljøet i heimbyen Chicago, der han møtte Muddy Waters og andre blueslegender, som oppfordra han og let han få spele med dei. Han byrja etter kort tid å spele fast med bluesentusiastane Nick Gravenites og Elvin Bishop.
I 1963 skipa han The Paul Butterfield Blues Band, som spelte inn fleire suksessrike album og vart populære på festivalane seint i 1960-åra, med konsertar i Fillmore West i San Francisco; Fillmore East i New York City; Monterey Pop Festival og Woodstockfestivalen. Bandet var kjend for å kombinere elektrisk Chicago blues med rock og for å vere pionerar innan jazzfusion. Etter at bandet vart oppløyst i 1971, fortsette Butterfield å turnere og spele med bandet Paul Butterfield's Better Days, med mentoren Muddy Waters og medlemmar av gruppa The Band. Butterfield var framleis aktiv som plate- og konsertartist då han i 1987, 44 år gammal, døydde av ein heroinoverdose.
Musikkskribentar har trekt fram utviklinga hans av ein original spelestil som plasserer han blant dei mest kjende bluesmunnspelspelarane. I 2006 vart han innlemma i Blues Hall of Fame. Butterfield og tidlege medlemmar av The Paul Butterfield Blues Band vart innlemma i Rock and Roll Hall of Fame i 2015. Begge panela trekte fram dugleiken hans på munnspel og bidraga hans til å bringe bluesmusikken ut til eit yngre og breiare publikum.
- ↑ 1,0 1,1 1,2 «Paul Butterfield». Sweet Home Cook County. Cook County Clerk's Office. Arkivert frå originalen 13. mai 2014. Henta 6. juli 2017.
- ↑ 2,0 2,1 «Musician's Death Laid to Overdose». Los Angeles Times. June 13, 1987. Henta 6. juli 2017.