Recoverybreen

Recoverybreen
isbre
Land	Antarktis
Stad	Coats Land
- koordinatar	81°10′S 28°00′W / 81.167°S 28.000°W / -81.167; -28.000
Lengd	100 km
Munning	Weddellhavet
Administrert under	Antarktistraktaten
Recoverybreen 81°10′00″S 28°00′00″W / 81.16666667°S 28°W / -81.16666667; -28
Recoverybreen (Antarktis)

Recoverybreen er ein isbre som flyt vest langs sørsida i Shackletonkjeda i Antarktis. Han vart oppdaga frå lufta og utforska frå bakken under Commonwealth Trans-Antarctic Expedition i 1957, og fekk dette namnet fordi kjøretøya nytta under ekspedisjonen fleire gonger måtte bergast (recovery på engelsk) frå bresprekk på denne breen under kryssinga av Antarktis. Han er minst 100 km lang og 64 km brei ved munningen.

Recoverystraumen, som drenerer delar av Den austantarktiske iskappa inn i breen, er nesten 800 km lang og gjev is til Filchnerisen i Weddellhavet. Området inneheld fire subglasiale sjøar, og fører til at isstraumen varierer dramatisk, frå 2 til 50 meter per år. Isstraumen drenerer kring 35 milliardar tonn med vatn og is i havet kvart år^[1], medan heile det Det austantarktiske isdekket gjev frå seg kring 57 milliardar tonn på eit år.^[2]

1. ↑ Scott, Michon. «The Role of Subglacial Lakes». National Aeronautics and Space Administration. Earth Observatory. Henta 16. oktober 2012. 
2. ↑ Sample, Ian (22. november 2009). «World's largest ice cover melting faster than expected». The Guardian. Henta 16. oktober 2012.