Roger Glover

Roger Glover
Glover på scenen med Deep Purple i 2017
Fødd	30. november 1945 (79 år)
Fødestad	Brecon i Wales
Fødenamn	Roger David Glover
Opphav	Storbritannia, Wales
Aktiv	Sidan 1969
Sjanger	Hardrock, heavy metal, poprock, bluesrock, progressiv rock
Instrument	bassgitar, gitar, bass
Tilknytte artistar	Deep Purple Rainbow Episode Six Gillan & Glover
Verka som	Musikar låtskrivar produsent
Born	Gillian Glover

Roger David Glover (fødd 30. november 1945) er ein walisisk bassist, låtskrivar og plateprodusent. Glover er mest kjend som bassist i rockebandet Deep Purple.^[1][2]

Familien flytta til London i 1955 og Glover fekk interesse for musikk. I 1961 byrja han å spele bass og danna eit band kalla The Madisons. The Madisons vart seinare til bandet Episode Six, som gav ut fleire singlar.

Glover vart henta til det britiske hard rock-bandet Deep Purple saman med Episode Six-vokalist Ian Gillan i 1969. Han forlét bandet i 1973. I 1974 vart han plateprodusent på heiltid, og produserte plater for blant andre Nazareth, Elf, David Coverdale, Status Quo og Judas Priest. Han gav òg ut soloalbumet The Butterfly Ball.

I 1978 gav Glover ut albumet Elements, men i 1979 vart han invitert med i bandet Rainbow av Ritchie Blackmore. Dei gav ut fleire plater før Glover gav ut sitt tredje soloalbum, Mask i 1984.

Same år vart Deep Purple gjenforeint og Glover er framleis bassist i bandet. Saman med Ian Gillan gav Glover ut albumet Accidentally On Purpose i 1988.

Roger Glovers fjerde soloalbum, Snapshot, kom ut i 2002 og hans femte og hittil siste soloplate If Life Was Easy vart utgjeven i 2011.

1. ↑ Turkey: Deep Purple Performs in Istanbul Arkivert 2015-05-30 ved Wayback Machine. - Balkan Travellers
2. ↑ http://fr.jpost.com/servlet/Satellite?pagename=JPost/JPArticle/ShowFull&cid=1219572108284 Purple haze | Arts | - The Jerusalem Post