Roland TR-808

Roland TR-808 Rhythm Composer (òg berre kjend som «808») var ein av dei første programmerbare trommemaskinane («TR» er ei forkorting for Transistor Rhythm). Han vart lansert av Roland Corporation tidleg i 1980 og vart opphavleg laga som ein reiskap for studiomusikarar som skulle lage demoar. Som tidlegare trommemaskinar frå Roland, høyrest han ikkje ut som verkelege trommer. TR-808 kom ut berre få månader etter Linn LM-1, som var den første trommemaskinen som nytta digitale samplingar. Profesjonelle musikarar rekna lyden frå TR-808 som langt dårlegare enn sampla trommemaskinar, men prisen på ein TR-808 var om lag fem gonger billigare enn ein LM-1, kring US$1 195 då han først kom ut.

Trommemaskinar har vorte ein viktig del av lyden i hip hop, sidan det har vore ein billig og enkel måte å produsere trommelydar på. Roland TR-808 vart mykje nytta fordi han hadde høve til å produsere ei basstromme med særs lågfrekvent lyd.^[1] Han hadde òg fleire unike, kunstige perkusjonslydar som var karakteristiske for TR-808. Roland TR-808 vart etter kvart nytta på fleire hitplater enn nokon annan trommemaskin,^[2] og har derfor fått ein ikonisk status i musikkindustrien.^[3] Etterfølgjaren til maskinen var Roland TR-909.

1. ↑ Klaver 14 (11): 34. 1988.  Missing or empty |title= (hjelp); as cited in Théberge, Paul (1997). Any sound you can imagine: making music/consuming all counts of technology. Middletown, Conn: Wesleyan University Press. s. 197. ISBN 0-8195-6309-9. 
2. ↑ Peter Wells (2004), A Beginner's Guide to Digital Video, AVA Books, s. 18, ISBN 2-88479-037-3, henta 20. mai 2011 
3. ↑ Jason Anderson (November 28, 2008). «Slaves to the rhythm: Kanye West is the latest to pay tribute to a classic drum machine». CBC News. Henta 11. februar 2013.