Rudyard Kipling

Rudyard Kipling
Kipling måla av Philip Burne-Jones
Nasjonalitet	Britisk
Statsborgarskap	Storbritannia, Det sameinte kongeriket Storbritannia og Irland
Fødd	30. desember 1865 Bombay i Britisk India
Død	18. januar 1936 London i England
Yrke	Journalist, forfattar
Språk	engelsk
Påverka	Robert A. Heinlein, Jorge Luis Borges, H. Rider Haggard
Sjanger	reiseskildring, barnelitteratur, fabelprosa
Medlem av	American Academy of Arts and Sciences, Royal Society of Literature
Far	John Lockwood Kipling
Mor	Alice MacDonald Kipling
Ektefelle	Caroline Starr Balestier
Born	John Kipling, Elsie Bambridge, Josephine Kipling
Rudyard Kipling på Commons

Joseph Rudyard Kipling (30. desember 1865–18. januar 1936) var ein britisk forfattar. Han er kjend for barnebøker som Jungelboka (1894), Kim (1901) og Just So Stories (1902), dikt som «If—» og «The White Man's Burden», og fleire noveller frå Britisk India, og skreiv også reportasjar og reiseskildringar. Kipling blei tildelt Nobelprisen i litteratur i 1907 som den fyrste engelskspråklege og den yngste nokonsinne. Han blei også tilbode britiske riddarordenar og stillinga som Poet Laureate (statsdiktar), noko han takka nei til.

Kipling var svært godt likt for dikta og forteljingane sine i si levetid, men blei mot slutten av tida for Det britiske imperiet sett på som meir av ein «profet for britisk imperialisme».^[1] Mange av verka hans blei sett på som unødig brutale og fordomsfulle. Barnelitteraturen har derimot overlevd og vidareført til nye medium som film og fjernsyn, til dømes Mowgli og Rikki-Tikki-Tavi frå Jungelboka og guteboka Kim.

1. ↑ «He was the prophet of British Imperialism in its expansionist phase ». George Orwell, «Rudyard Kipling».