Saksofonisten Bill Evans

Saksofonisten Bill Evans
Statsborgarskap	USA
Fødd	8. februar 1958 (66 år) Clarendon Hills
Yrke	saksofonist, jazzmusikar, vokalist
Språk	engelsk
Medlem av	Mahavishnu Orchestra
Nettstad	http://billevanssax.com/
Saksofonisten Bill Evans på Commons

Bill Evans (fødd 9. februar 1958) er ein amerikansk jazz- og pop-saksofonist.

Evans fekk pianoundervisning av faren og lærte seg å spele klarinett frå elleve-årsalderen. Han studerte ved North Texas State University og William Paterson College i New Jersey, der han fekk undervisning av David Liebman i New York og jamma med Thad Jones, Liebman, Joanne Brackeen og Art Blakey. På starten av 1980-åra spelte han med Mark Egan og Danny Gottlieb i Elements.

Han spelar til vanleg tenor- og sopransaksofon og blei kjend da han var ein av Miles Davis sine musikarar i tida 1980 til 1984. Evans har blant andre spelt med Randy Brecker, John Scofield, Les McCann, Lee Ritenour, Vinnie Colaiuta, Herbie Hancock, David Sanborn, Ron Carter, Mick Jagger, Victor Bailey, Dennis Chambers, Dino Betti van der Noot og Victor Wooten. Frå 1981 spelte han ofte med gruppa til Gil Evans og frå 1984 var han med i John McLaughlin sitt nyoppretta Mahavishnu Orchestra.