Back Emotional Rescue (sang) Danish Emotional Rescue (Lied) German Emotional Rescue (song) English Emotional Rescue (canción) Spanish Emotional Rescue (chanson) French Emotional Rescue (singolo) Italian エモーショナル・レスキュー (曲) Japanese Emotional Rescue (სიმღერა) Georgian Emotional Rescue (sång) Swedish
| Emotional Rescue Singel av The Rolling Stones frå albumet Emotional Rescue | ||
| B-side |
«Down in the Hole» | |
|---|---|---|
| Utgjeve | 20. juni 1980 | |
| Innspelt | 1–19. oktober 1979 | |
| Sjanger | Poprock, disco, dance-rock[1] | |
| Lengd | 5:39 | |
| Selskap | Rolling Stones | |
| Låtskrivar(ar) | Jagger/Richards | |
| Produsent | The Glimmer Twins | |
| The Rolling Stones-kronologi | ||
| «Shattered» (1978) |
Emotional Rescue | «She's So Cold» (1980)
|
«Emotional Rescue» er ein song av det engelske rockebandet The Rolling Stones. Han vart skriven av Mick Jagger og Keith Richards og kom ut på albumet Emotional Rescue frå 1980.
Songen vart spelt inn mellom juni og oktober 1979 og er ein disco-aktig song, liknande hitten «Miss You» frå 1978. Songen er ein av dei første av bandet der ein merkar ein aukande splid mellom dei to hovudlåtskrivarane Jagger og Richards. Sjølv om Richards speler gitar og syng korvokal mot slutten av songen, skal han ikkje ha likt retninga Jagger prøvde å ta bandet i med slike disco-liknande songar. Dette kan derimot ha vorte overdrive i pressa og av det harde rockeimaget til Richards. Songen er basert på ei basslinje spelt av Ronnie Wood. Gjennom store delar av songen syng Jagger i falsett, noko som var populært for discosongar på denne tida. Bassist Bill Wyman speler synthesizer på songen, medan Jagger og Ian Stewart speler elektrisk piano.
Songen vart gjeven ut som den første singelen frå albumet den 20. juni 1980. Songen vart godt teken imot av ein del av tilhengjarane, medan andre ikkje likte den nye musikalske retninga. Songen nådde niande plassen i Storbritannia og tredjeplassen i USA.
- ↑ Song Review by Stewart Mason. «Emotional Rescue - The Rolling Stones | Listen, Appearances, Song Review». AllMusic. Henta 28. mars 2018.