Syrinx

Syrinx (gresk for 'røyr, fløyte'^[1]) er namnet på vokaliseringsorganet hos fuglar. Organet er lokalisert nedst i luftrøyret, der røyret deler seg inn i lungene. Syrinx er muskulært og musklane styrer ei rekkje membranar som blir sette i vibrasjon og skaper lydar når luft strøymer gjennom det. Musklane modulerer lyden ved å endre spenninga i membranar og i bronkieopningar.^[2] Nokre fugleartar har ein kompleks syrinx og er i stand til å variere lydtrykk og tonehøgde. Til dømes kan artar av papegøyar, kråkefuglar og nokre starar, etterlikne menneskeleg tale. Andre artar har mindre utvikla syrinx og er berre i stand til å variere innanfor eit avgrensa repertoar av enkle lydar. Kondorar manglar syrinx heilt.^[3]

1. ↑ «syrin» i Nynorskordboka.
2. ↑ Larsen, Ole Næsbye; Franz Goller (1. januar 2002). «Direct observation of syringeal muscle function in songbirds and a parrot». Journal of Experimental Biology 205 (1): 25 –35. Henta 26. juni 2011.  Fulltekst pdf
3. ↑ Kemp, Alan, and Ian Newton (2003): New World Vultures. I Christopher Perrins, red., The Firefly Encyclopedia of Birds. Firefly Books. ISBN 1-55297-777-3. side 146