Back خواهران پوینتر AZB Пойнтър Систърс Bulgarian The Pointer Sisters Czech The Pointer Sisters German The Pointer Sisters English The Pointer Sisters Spanish خواهران پوینتر Persian The Pointer Sisters Finnish The Pointer Sisters French האחיות פוינטר HE
| The Pointer Sisters | |||
 Bonnie, Anita og Ruth Pointer i 1974. | |||
| Alias | Pointers, a Pair | ||
|---|---|---|---|
| Opphav | Oakland i California, U.S. | ||
| Aktiv | 1969 til i dag | ||
| Sjanger | R&B, soul, pop, dance, jazz, country, gospel, post-disco | ||
| Plateselskap | Blue Thumb Records
ABC Records Planet Records RCA Records Motown SBK Records Atlantic Records | ||
| Tidlegare medlemmer | Bonnie Pointer June Pointer (død) | ||
| Prisar | Grammy Award for Best Country Performance by a Duo or Group with Vocal, Grammy Award for Best Vocal Arrangement for Two or More Voices, American Music Award for Favorite Soul/R&B Band/Duo/Group, Grammy Award for Best Pop Performance by a Duo or Group with Vocals, stjerne på Hollywood Walk of Fame, American Music Award for Video of the Year | ||
The Pointer Sisters er ei USA-amerikansk R&B-gruppe frå Oakland i California, som fekk stor suksess i 1970- og 1980-åra. I ein karriere på over tre tiår spelte dei innan så varierte sjangrar som pop, disco, jazz, elektronisk musikk, bebop, blues, soul, funk, dance, country og rock. The Pointer Sisters har vunne Grammyprisen tre gonger og har ei stjerne på Hollywood Walk of Fame. Gruppa hadde 13 hittar på den amerikanske topp 20-lista mellom 1973 og 1985.
Gruppa bestod opphavleg av systrene June og Bonnie Pointer, som byrja å spele på klubbar i 1969 som «Pointers, a Pair.» Besetninga vokste til ein trio då systera Anita Pointer vart med dei. Dei fekk platekontrakt med Atlantic Records og gav ut fleire mislykka singlar. Trioen voks til ein kvartett då systera Ruth kom med i desember 1972. Dei fekk så kontrakt med Blue Thumb Records, og spelte inn debutalbumet. Dei byrja då å få suksess og vann ein Grammy i 1975 for beste countrysong med «Fairytale» (1974). Bonnie slutta i gruppa i 1978 for å gå solo, til moderat suksess.
Gruppa fekk størt salssuksess som trio i 1980-åra med June, Ruth og Anita, og vann to Grammy-prisar for hittane «Jump (for My Love)» (1984) og «Automatic» (1984). Singlane deira som nådde topp 10 i USA var «Fire» (1979), «He's So Shy» (1980), «Slow Hand» (1981), ein remiksa versjon av «I'm So Excited» (1984) og «Neutron Dance» (1985). June Pointer, som slutta i gruppa i 2004, døydde av kreft i 2006. Ho vart erstatta av dottera til Ruth, Issa Pointer. Sidan 2009 har gruppa bestått av Anita, Ruth, Issa og barnebarnet til Ruth Sadako Pointer.