Back تريفور هورن Arabic تریفور هورن AZB Trevor Horn Catalan Trevor Horn Czech Trevor Horn German Trevor Horn English Trevor Horn Spanish Trevor Horn Finnish Trevor Horn French Trevor Horn Galician
| Trevor Horn | |||
.jpg) | |||
| Fødd | 15. juli 1949 (75 år) | ||
|---|---|---|---|
| Fødestad | Houghton-le-Spring, Tyne and Wear i England | ||
| Fødenamn | Trevor Charles Horn | ||
| Opphav | Storbritannia | ||
| Aktiv | 1966– | ||
| Sjanger | Synthpop, soul, rock and roll, disco, electronica, progressiv rock | ||
| Instrument | bass, gitar, tangentinstrument, vokal | ||
| Stemmetype | tenor | ||
| Tilknytte artistar | The Buggles Yes Art of Noise Producers | ||
| Plateselskap | ZTT Records | ||
| Verka som | Plateprodusent, musikar | ||
| Prisar | kommandør i den britiske imperieorden, Grammy Award for årets innspilling | ||
Trevor Charles Horn (fødd 15. juli 1949) er ein engelsk popmusikar, tekstforfattar, lydteknikar og produsent. Horn har produsert kommersielt suksessrike songar og album for fleire britiske og internasjonalt kjende artistar.
Han vann ein grammypris for «Kiss from a Rose» med Seal. Som musikar har han hatt suksess med gruppene The Buggles, Art of Noise, Propaganda og Act og han var vokalist i Yes på albumet Drama frå 1980 og på den påfølgjande turneen. I tillegg produserte han Yes-albumet 90125 i 1983.
På 1980-talet vart Horn sett på som den beste produsenten i Storbritannia, noko følgjande anekdote vitnar om: gruppa China Crisis oppførte på sitt album Flaunt the Imperfection frå 1985 (produsert av Walter Becker frå Steely Dan) opp produsenten som «Walter (Trevor Who?) Becker». Fleire slike referansar til Horn finst i britisk kultur.
I 1996 produserte han heile Wildest Dreams til Tina Turnar. Blant dei store hittane er «Whatever You Want», «Missing You», «In Your Wildest Dreams» og «Unfinished Sympathy».
Han eig òg ein stor del av plateselskapet ZTT Records, Sarm Studios og selskapet Perfect Songs. Desse er kombinert under namnet SPZ. Horn gjekk hausten 2010 i platestudio saman med det tidlegare bandet sitt Yes for å produsere det nye albuma deira, som kom ut i juli 2011.[1]
I dronninga si nyårsliste for 2011 vart Horn utnemnd til kommandør av Den britiske imperieordenen for tenestene sine i musikkbransjen.[2]
- ↑ YesWorld.com – «YES Signs New Worldwide Recording Deal with Frontiers Records»
- ↑ London Gazette, nr. 59647, 31. desember 2010, s. N7.