Viken fylke

For det historiske namnet på landskapet omkring Oslofjorden og Skagerrak, sjå Vika.

Viken fylke
fylke
Fylkeslogo
Land	Noreg
Del av	Austlandet
Adm.senter	Oslo
Areal	24 592,6 km²
•  land	22 767,9 km²
•  vatn	1 824,7 km²
Folketettleik	Feil i uttrykket: Uventa operatør, div / km²
Målform	nøytral
Statsforvaltar	Valgerd Svarstad Haugland
Fylkesordførar	Roger Ryberg (Ap)
Fylkesnummer	30
Viken fylke 60°N 10°E / 60°N 10°E / 60; 10
Wikimedia Commons: Viken (county)
Nettstad: www.viken.no

Viken var ein norsk fylkeskommune som oppstod frå 1. januar 2020 som følgje av tvangssamanslåinga av fylka Østfold, Akershus og Buskerud. Dessutan vart kommunane Jevnaker og Lunner i det tidlegare Oppland fylke del av det nye Viken fylke i samband med kommunereforma 1. januar 2020, i samsvar med ynske frå dei to kommunane. Heilt frå 1838 hadde desse kommunane vore ein del av Oppland fylke, tidlegare Kristians amt. Fylka Oppland og Hedmark vart slegne saman til Innlandet fylke med verknad frå same dato. Svelvik kommune i det tidligare Vestfold fylke vart likeeins ein part av Viken fylke ved at kommunen vart slege saman med kommunane Nedre Eiker og Drammen i det tidlegare Buskerud fylke til den nye Drammen kommune frå same dato.

Opprettinga av fylket Viken har vore kontroversiell.^[1] Etter kommune- og fylkestingsvalet i 2019 består fleirtalskoalisjonen i fylkestinget av parti som stemte mot regionreforma ved stortingsbehandlinga. Koalisjonen har vedteke å be Stortinget om å oppløyse Viken etter valet i 2021, og at fylka Buskerud, Østfold og Akershus skal opprettast att.^[2]

1. ↑ «Over halvparten er negative til Viken». NRK. 5. oktober 2018. Henta 13. november 2019. 
2. ↑ «Viken-flertallet vil legge ned Viken». Aftenposten. 1. oktober 2019. Henta 13. november 2019.