Lait

Lé lait est un blianc litchide produit par les mammiféthes pouor allaiter lus p'tchiots.

Lé lait contcheint du calcium, tch'est un êlément tch'est nécessaithe pouor lé dêv'loppement d'la stchelette et l's os. Épis y'a étout du chucre, des protéïnnes et d'la graisse. S'lon l'annima, lé lait a d'difféthents amas d'îngrédgeins.

Lé lait des gens est hardi radouochi et l'lait des vaques a pus d'graisse dans.

Les gens avaû les siècl'yes ont êl'vé des bêtes à seule fîn d'les traithe pouor faithe sèrvi lus lait. L'pus souvent, ch'est des bêtes à cônes tchi sont traites, mais nou fait sèrvi étout du lait d'biche, du lait d'brébis, du lait d'chanmelle, et du lait d'jeunment.