Alexandre Benalla (Évreux, 8 de setembre de 1991) es un responsable de seguretat de personalitats politicas francés. Lo comportament violent e las infraccions judiciàrias d'aqueste emplegat, e pròche, del president francés Emmanuel Macron durant divèrses eveniments en 2018 son estadas a la basa de l'Afar Benalla. L'escandal comencèt de créisser lo 18 de julh de 2018 tre que l'afar venguèt mediatizat a partir de las revelacions del jornal francés Le Monde. Dins l'encastre d'aquel afar es condemnat en 2021 en primièra instància, e en 2023 en apèl, a tres ans d'empresonament dont un an fèrm jos braçalet electronic.