Autorota

Una autorota –autovia, autopista, autostrada–^[1] es una via de comunicacion rotièra de cauçadas separadas, reservada a la circulacion rapida de veïculs motorizats (automobilas, mòtos, camions). Comporta pas cap de crosadas e es accessibla per de punts adobats dins aquela tòca que li dison escambiadors. La primièra autorota del monde (autostrada en italian), foguèt l'autorota dels Lacs, que foguèt bastida en 1924 per religar Milan a la region dels lacs (77 km).

1. ↑ «Autoroute» (en francés). Multidiccionari Occitan Dicodòc. Congrès permanent de la lenga occitana. [Consulta: 15 de decembre de 2023]