Cabildo insular

Lo cabildo insular es una entitat administrativa actuala exclusiva de las Illas Canàrias (Espanha), e qu'a per origina los Cabildos o de conselhs de govèrn venent de l'Ancian Regim. Son d'organs de mitan insular dins las islas de El Hierro, Fuerteventura, Grand Canària, La Gomera, La Palma, Lanzarote e Tenerife. L'illa de la Graciosa possedís pas de cabildo pròpri, qu'aperten administrativament a l'ajuntament de Teguise, dins l'illa de Lanzarote. Son d'administracions localas.

Los membres son causits per sufragio universal dirècte dels ciutadans de cada illa. Lo cap de lista mai votat ocupa automaticament la Presidéncia, pasmens se se pòt capvirar per una mocion de censura posteriora.

Los cabildos foguèron creats per la Lei dels Cabildos en 1912 e se constituiguèron a partir de 1913, aquelas institucions son inspiradas dels cabildos e de conselhs de govèrn existissent dins l'Ancian Regim, que siá dins las Illas Canàrias o en America, pendent lo periòde colonial espanhòl, ont se mantenguèron fins al començament del procediment de decolonizacion. Pendent lo periòde 1939-1979, sos membres èran designats pel l'insténcia governatòria, e sas foncions se limitavan a l'administracion insulara, se concentrant dins los afars de proteccion sociala e santat publica, de carrirèra, camins e montanhas.

Al tornar la democracia, assumisson e inician los fars en relacion amb lo torisme, mitan ambient, cultura, espòrts, industria, carrièra, de camins, aiga potabla e d'assagatge, gestion de licéncias de caça e pesca, musèus, plajas, transpòrt public o organizacion territoriala. Pòdon inscriure seguent las eleccions d'impòstes indirectes suls combustibles. Aqueles cambiaments aumentèron dempuèi los ans 1990, après divèrses procediments de transferiment de competéncias del Govèrn de las Canàrias, per tòca de melhorar son budget.

A l'ora d'ara, son las institucions publicas de referéncia dins caduna de las illas, venent de vertadièrs govèrns insulars

Totes los cabildos s'agròpan dins la Federacion Canària de las Illas (FECAI).