La camacrusa (o camacruda o cambacrusa) qu’ei ua creatura fantastica presenta en la Gasconha sancèra e dens las regions avesiadas (Pirenèus). Qu’ei un espaurugalh particularament esvarjant. Que s’ageish generaument d’ua cama sola qu’a un uelh au jolh (la camba crusa dab l'uèlh dubèrt). Que surgeish la nueit entà emportar e devorar los imprudents. L’estranh d’aqueth èste e l’abséncia de precisions que’u balha un caractèr mei inquietant. Los «informators» e los illustrators qui’s son escaduts a produsir ua representacion que horneishen mantuas elements : ua boca, lo peu, còrns, urpas... Mes nada descripcion ne hè pas l’unanimitat.